أَعْمَالُ ٱلرُّسُلِ 12:4 - العهد الجديد باللهجة الجزائرية

⁴ وكي حَكمو وحَطّو فالحَبس، دارو تَحت العَسّة مْتاع رَبع رْباعات، كُل رْباعة فيها رَبع عْساكَر وكان مْعَوَّل يْحاكمو قُدّام الشَعب بَعد عيد الفَصح.

أَعْمَالُ ٱلرُّسُلِ 12:4 ပူးပေါင်းရင်းမြစ်များ

إِنْجِيلُ مَتَّى 24:9

داك الوَقت يْسَلّموكُم للعْداب، ويَقُّتلوكُم وتْكونو مَكروهين من كامَل الأُمّات على جال آسمي،

إِنْجِيلُ مَتَّى 26:5

بَصَّح قالو: "ماشي فالعيد باش ما يَصراش الهول في وَسط الشَعب."

إِنْجِيلُ مَرْقُسَ 14:1

عيد الفَصح وعيد الفْطير كانو رايحين يْجيو بَعد يومين، وكانو رِيّاس رْجال الدين والكُتّاب يْحَوّسو كيفاش يَحَّكمو يَسوع بالحيلة ويَقُّتلوه،

إِنْجِيلُ لُوقَا 21:12

بَصَّح قْبَل هَدا كامَل، يَحَّكموكُم ويَحَّڤروكُم، يْسَلّموكُم للمْجامَع وللحْباس ويْكَركروكُم عَند سْلاطَن وحُكّام على جال آسمي،

إِنْجِيلُ لُوقَا 22:33

قاللو سَمعان: "رَبّي، راني واجَد باش نْروح معاك للحَبس وحَتّى للموت"،

إِنْجِيلُ يُوحَنَّا 19:23

العَسكَر كي صَلبو يَسوع خْداو حْوايجو وقَسموهُم على رَبعة، كُل واحَد أدّا رْبَع، وزادو الڤَندورة. والڤَندورة كانَت بلا خْياطة، قْماش واحَد على مَرّة.

إِنْجِيلُ يُوحَنَّا 21:18

نْقولَك الصَح الصَح، كي كُنت صْغير، كُنت تْحَزَّم روحَك وتْروح وين تْحَب، بَصَّح كي تْوَلّي شيخ تْكَسَّل يَدّيك وواحَدآخُر يْحَزّمَك ويَدّيك وين ما تْحَبش".

أَعْمَالُ ٱلرُّسُلِ 12:3

وكي شاف هاد الشي عاجَب اليْهود، زاد حْكَم بُطرُس، وكانو يامات عيد الفْطير.

أَعْمَالُ ٱلرُّسُلِ 12:5

هِمّالا، كان بُطرُس تَحت العَسّة فالحَبس، وكانَت صْلاة الكَنيسة لله حارّة على جالو.

أَعْمَالُ ٱلرُّسُلِ 4:28

باش يْديرو كامَل واش عَوَّلت بيَدَّك وقْصَدت من قْبَل باش يَصرا،

أَعْمَالُ ٱلرُّسُلِ 4:3

حَكموهُم وحَطّوهم فالحَبس حَتّى لغَدوة من داك خاطَر كانو مع العْشِيّة.

أَعْمَالُ ٱلرُّسُلِ 5:18

وحَكمو الرُسُل ورْماوهُم في حَبس الحُكومة.

أَعْمَالُ ٱلرُّسُلِ 8:3

بَصَّح شاوَل، كان يَحڤَر فالكَنيسة وكان يَدخُل للدْيور، يْكَركَر منهُم رْجال ونْسا ويَرميهُم فالحَبس.