تسالونيكي الأولى 2:13 - العهد الجديد باللهجة الجزائرية

¹³ وعلى هَدا تاني، نَشُّكرو الله دايمًا اللي كي سْمَعتو منّا كْلام الله، قْبَلتوه ماشي كي اللي كْلام بْني آدَم، قْبَلتوه كيما هُوَ مْتاع الصَح، كْلام الله اللي راهو تاني يَخدَم فيكُم أنتومَ المومنين،

تسالونيكي الأولى 2:13 ပူးပေါင်းရင်းမြစ်များ

إِنْجِيلُ مَتَّى 10:20

خاطَر ماشي أنتومَ اللي رايحين تَهَّدرو، الروح مْتاع باباكُم هُوَ اللي رايَح يَهدَر فيكُم.

إِنْجِيلُ مَتَّى 10:40

اللي يَستَقبَلكُم يَستَقبَلني، واللي يَستَقبَلني يَستَقبَل اللي بْعَتني.

إِنْجِيلُ لُوقَا 11:28

بَصَّح هُوَ قال: "أوّاه، يا سَعد اللي يَسَّمعو كْلام الله ويَعَّملو بيه."

إِنْجِيلُ لُوقَا 5:1

كان الغاشي يَتزادَم على يَسوع باش يَسمَع كَلمة الله، وكان هُوَ واقَف عَند واد جَنّيسارَت،

إِنْجِيلُ لُوقَا 8:11

هاد المْتَل يَعني: الزَرّيعة هِيَ كْلام الله،

إِنْجِيلُ لُوقَا 8:21

جاوَب هُوَ وقالَلهُم: "يَمّا وخاوتي هومَ اللي يَسَّمعو كَلمة الله ويَعَّملو بيها".

إِنْجِيلُ يُوحَنَّا 15:3

أنتومَ راكُم نْقايا على جال الكْلام اللي قُلتهولكُم،

إِنْجِيلُ يُوحَنَّا 17:17

قَدَّسهُم بالحَق، كْلامَك هُوَ الحَق،

إِنْجِيلُ يُوحَنَّا 17:19

وليهُم نَتقَدَّس باش يْكونو هومَ مَتقَدّسين بالحَق.

أَعْمَالُ ٱلرُّسُلِ 10:33

تَم تَم بْعَتتلَك، وأنتَ عْمَلت مْليح كي جيت. دُرك هِمّالا، رانا كامَل حاضرين قُدّام الله باش نَسَّمعو كامَل واش آمرَك بيه الرَب".

أَعْمَالُ ٱلرُّسُلِ 13:48

اللي ماشي يْهود كانو يَفَّرحو كي يَسَّمعو هاد الشي وكانو يْعَضّمو كَلمة الرَب، وكامَل اللي كانو مُختارين للحْياة الدايمة آمنو.

أَعْمَالُ ٱلرُّسُلِ 16:14

واحدة فيهُم واسَمها ليدِيّة، من مْدينة تياتيرا، كانَت تْبيع قْماش غالي، وتْخاف الله. وكانَت تَسمَع خاطَر الرَب حَلَّلها قَلبها باش تَتعَلَّق بكْلام بولَس.

أَعْمَالُ ٱلرُّسُلِ 17:11

اليْهود مْتاع بيرِيّة كانو خير من اليْهود مْتاع تيسالونيكي، قَبلو كَلمة الله بالهَمّة وكانو كُل يوم يْقَلّبو الكْتوب باش يْشوفو وَلاّ الشي اللي كان يَتقالَلهُم صَح.

أَعْمَالُ ٱلرُّسُلِ 17:32

كي سَمعو بالقِيامة من الموت، كايَن اللي سْتَهزاو وكايَن اللي قالو: "نَسَّمعوك على هاد الشي مَرّة أخرى"،

أَعْمَالُ ٱلرُّسُلِ 2:41

اللي قَبلو كْلامو، تْعَمّدو وداك اليوم زادو واحَد التَلت آلاف نَفس.

أَعْمَالُ ٱلرُّسُلِ 8:14

كي سَمعو الرُسُل في أورشَليم باللي ناس السامرة قَبلو الكَلمة، بَعتولهُم بُطرُس ويوحَنّا.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 10:17

هِمّالا، الإيمان يْجي بالبْشارة والبْشارة بكَلمة الله.

2 ໂກຣິນໂທ 3:18

حْنا كامَل، اللي مْنَحّي الحْجاب من وَجهنا، نْشوفو كي اللي في مْراية بْها الرَب، ونَتبَدّلو لهَديك الصِفة بالدات، من بْها لبْها كيما يْكون من الرَب، الروح.

رِسَالَةُ بُولُسَ ٱلرَّسُولِ إِلَى أَهْلِ غَلَاطِيَّةَ 4:14

ووالو كان المَرض اللي في داتي تَجرِبة ليكُم، ما حْڤَرتوني ما عَفتوني. سْتَقبَلتوني كي مْلاك الله، كي المَسيح يَسوع،

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 1:6

اللي وْصَل ليكُم كيما وْصَل لكامَل الدَنيا، وراهو يْجيب فيها غَلّة ويْكبَر كيما راهو يْجيب غَلّة ويْكبَر فيكُم من اللي سْمَعتو وعْرَفتو نَعمة الله فالحَق،

اَلرِّسَالَةُ إِلَى ٱلْعِبْرَانِيِّينَ 4:12

خاطَر كْلام الله حَي، ويَخدَم، قاطَع كْتَر من كُل سيف مْتاع زوج مْواس، يَفصَل حَتّى بين النَفس والروح، المْفاصَل ومُخ العْضَم، ويْمَيَّز تَخمام ونِيّة القَلب.

اَلرِّسَالَةُ إِلَى ٱلْعِبْرَانِيِّينَ 4:2

خاطَر حْنا نَلنا البْشارة كيما هومَ تاني، بَصَّح الكْلام اللي سَمعوه هومَ ما فادهُمش، خاطَر ما شَركوش اللي سَمعوهُم فالإيمان،

رِسَالَةُ يَعْقُوبَ 1:18

كي حَب هُوَ، وْلَدنا بكَلمة الحَق باش نْكونو بْكار خْلايقو.

رِسَالَةُ بُطْرُسَ ٱلرَّسُولِ ٱلْأُولَى 1:23

بَعد ما نَولَدتو من تارة وجْديد، ماشي من زَرّيعة تَفسَد، من الزَرّيعة اللي ما تَفسَدش، كَلمة الله الحَيّة والدايمة،

رِسَالَةُ بُطْرُسَ ٱلرَّسُولِ ٱلْأُولَى 1:25

بَصَّح كَلمة الرَب تَبقا للدْوام، هَدي هِيَ الكَلمة اللي جاتكُم بخْبَر بْشارة الخير.

رِسَالَةُ بُطْرُسَ ٱلرَّسُولِ ٱلْأُولَى 2:2

وكيما الدْراري اللي هَدا وين نْزادو، أتشَهّاو حْليب الكَلمة اللي ماشي مَدغول، باش بيه تَكَّبرو للسْلاك،

رِسَالَةُ بُطْرُسَ ٱلرَّسُولِ ٱلتَّانِيَةُ 3:2

باش تَتفَكّرو الكْلام اللي قالوه من قْبَل الأَنبيا القَدّيسين والفَرض مْتاع رَبّنا وسَلاّكنا اللي قالوهولكُم الرُسُل مْتاعكُم،

رِسَالَةُ يُوحَنَّا ٱلرَّسُولِ ٱلْأُولَى 3:3

وكُل من عَندو هاد الرْجا فيه، يْطَهَّر نَفسو كيما المَسيح طاهَر،