لرسالة الأولى إلى أهل كورنثوس 10:16 - العهد الجديد باللهجة الجزائرية

¹⁶ كاس البَرَكة اللي نْباركوه، ما راهوش شَركة بدَم المَسيح؟ الخُبز اللي نَقَّسموه، ماشي شَركة بدات المَسيح؟

لرسالة الأولى إلى أهل كورنثوس 10:16 ပူးပေါင်းရင်းမြစ်များ

إِنْجِيلُ لُوقَا 22:17

رْفَد كاس، حْمَد وقال: "خودو هاد الكاس وأتقاسموه ما بيناتكُم،

أَعْمَالُ ٱلرُّسُلِ 2:42

كانو مْداومين على التَعليم مْتاع الرُسُل والشَرِكة وقَسمة الخُبز والصْلاة.

أَعْمَالُ ٱلرُّسُلِ 2:46

وكانو كُل يوم مْداومين براي واحَد فالمَعبَد، يَقَّسمو الخُبز فالدْيور وياكلو بالفَرحة والنيّة،

أَعْمَالُ ٱلرُّسُلِ 20:11

عاوَد طْلَع وقْسَم الخُبز وكْلا وهَدَر بَزّاف حَتّى للفْجَر، أومبَعد راح.

أَعْمَالُ ٱلرُّسُلِ 20:7

وفالنْهار الأوَّل مْتاع الجَمعة، كي كانو التابعين مَتلايمين باش يَقَّسمو الخُبز، هْدَر مْعاهُم بولَس وكان مْعَوَّل يْروح غَدوة من داك وطَوَّل معاهُم فالهَدرة حَتّى لنَص الليل.

لرسالة الأولى إلى أهل كورنثوس 1:9

الله حْلالي اللي دْعاكُم للشَركة مع وْليدو يَسوع المَسيح رَبّنا.

لرسالة الأولى إلى أهل كورنثوس 10:15

راني نَهدَر مع ناس عاقلين، أحَّكمو أنتومَ بالدات على الشي اللي راني نْقول فيه،

لرسالة الأولى إلى أهل كورنثوس 12:13

خاطَر حْنا كامَل –يْهود وَلاّ يونانِيّين وَلاّ عْبيد وَلاّ حْرار- تْعَمَّدنا في دات واحدة بروح واحَد وكامَل نَروينا بروح واحَد،

اَلرِّسَالَةُ إِلَى ٱلْعِبْرَانِيِّينَ 3:14

خاطَر وَلّينا شَركا مع المَسيح، هات بَرك نْشَدّو فالتيقة اللي بْدينا بيها ونَتَّبتو حَتّى للأخَّر،

رِسَالَةُ يُوحَنَّا ٱلرَّسُولِ ٱلْأُولَى 1:3

اللي شَفناه وسْمَعناه، نْخَبّروكُم بيه تاني، باش أنتومَ تاني تْكون عَندكُم الشَركة معانا. والشَركة مْتاعنا حْنايَ راهي مع الآب ومع وْليدو يَسوع المَسيح،

رِسَالَةُ يُوحَنَّا ٱلرَّسُولِ ٱلْأُولَى 1:7

لو كان نَمشيو فالنور كيما هُوَ فالنور، عَندنا الشَركة مع بَعضنا بَعض، ودَم يَسوع وْليدو يْطَهَّرنا من كُل دَنب.