लो था ख्योकोन याङराङ दि कथाङ ङेन। च्यि सासीन ठाउँज्यीक्तु स्यीङगी धनीज्यीक ओताक्वालो। थेकी थे खोरोङ स्यीङला अंगूर बिरूवा चुदुक्लो। स्यीङगी फेरोला ग्वारा खादुक्लो। अंगूर रस छिराला कोल जोदुक्लो। थेमे अंगूर स्युङकान्ते मि देताला पलीज्यीगोङ जोदुक्लो। थेमे थे स्यीङ फेम्माला बिन्गीन च्याकीन थे खोरोङचेन ज्येन लुङबाला गाल्गीन देत्तुक्लो।
रोमी 9:4 - जिरेल4 थेबानी परमेश्वरगी थे खोरोङ मि सिन साबाते इस्राएलीओनराङ ईन। थेबाचेन परमेश्वरगी थे खोरोङ धर्म-पुत्र जोबाते मि ईन। थेबेकी परमेश्वरला मिगी ताराङ मुथुप्च्या झिलिमिली नाम्दाकला देता ओता थोङा ओतान। थे खोरोङगी च्यि च्यि खिते सिन परमेश्वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्कीते सिन नियमओनोङ बिन्दा ओतान। थे खोरोङला चुक खाला माने खिता फाप्कीते सिन लाप्कीन बिन्गीन थेकी थेबाला आशी बिन्ला लेमु खिओ सिनोङ याङ याङराङ साबा ओतान। အခန်းကိုကြည့်ပါ။ |
रोमी 9:4
61 ပူးပေါင်းရင်းမြစ်များ
योक्पो योङमुकी मालिकतेकी दुङगीता सिन ज्यीबा खुराच्योक खाला था लोक्ला ख्योकोनगीचेन परमेश्वरगी सजाय तेरगीता सिन थेत्ताङ छ्याःङ ज्यीबा खिता माफाबो। च्यिला सासीन परमेश्वरगी थे खोरोङ आत्मा बिन्गीन ख्योकोनला थे खोरोङ धर्म-पुत्र जोबा ओत। थेमे परमेश्वर आत्मे छ्य्वापेकीराङ परमेश्वरला ङुरूङ दाक आबा सिन सिओ।
परमेश्वरगी जमान खाबाते बादोङ होदोजोराङ ईन। परमेश्वरगी थेत्ताङ थे सन्तानला आशी तेरग्यो सिन अब्राहामताङ जमान खाबाते बात परमेश्वर बातला तासुङ सासीन थेरू थेकी अब्राहाम सन्तान काल्बेईकी बात खाबाच्योक खाईन खोत्ताङ खुई सन्तानओनला सिन साबा मिन्दुक। बरू मिज्यीगी बात खिन खुई सन्तानला सिन टिला दुक। अब्राहाम सन्तान सिन मेराज्यीगी बातकामा खाबाते थे सन्तानचेन ख्रीष्टराङ ईन।
ख्योकोनगी टोक ज्येता मेङच्येते बात च्यि सासीन ख्योकोन गोमा ख्रीष्टकी छ्य्वापेई छ्याःङ मेङेत्कान्ते मि ओतान, परमेश्वरगी छाने खाबाते इस्राएली नाङ फाप्कीन मेतान थेमे परमेश्वरगी जमान खाईन थेबाला तेरग्यो साबातेबा ङेत्च्येते ख्योकोनते छ्याःङ हक मेतान। दोस्यिककामा मेन, तिरी जुनीला लेमु ओङच्येते ख्योकोनते छ्याःङ आश मेतान थेमे परमेश्वरला छ्या मास्येकीन दि सा लुङबादु खेराङला लेमु खित्कान्ते सुङ मेताच्योक खाईन देता ओतान।
मिगी तापराङ मुथुप्च्या झिलिमिली नाम्दाकला देत्कान्ते परमेश्वर थेरू ओत सिन तेन्दाला थे बाकस लाक्तुचेन स्योक्पा खाबातेन्दे करूब सिराते परमेश्वर दूत ङि जोबा ओतान। थे बाकस लाक्तु परमेश्वरगी मिओन पाप माफ तेरच्येते ठाउँलाचेन थे दूत ङिबो स्योक्पेकी उपा ओतान। दोक्ते बात था दि भन्दा ल्हाक्पा ख्योकोनला सिन देता माफाबो।
ကြော်ငြာတွေ