रोमी 9:32 - जिरेल32 च्यिला सासीन थेबेकी खोपरोङला दोषी मेन सिरच्येते परमेश्वर काम ईन सिन थेला विश्वास माक्यासुङ। थोक खिता साटोला बरू थेबेकीचेन परमेश्वर नियम ङेन्ला धर्म कर्म खालाराङ थे दोन्दु थोक्ते मि ओङा चाल्सुङ। थेबेकी थोक खाबेकी खित्सादु येशू ख्रीष्टचेन थेबे लाईदु नार्दोक ग्याप्ला रिल्च्येते दो च्योकराङ ओङसुङ। အခန်းကိုကြည့်ပါ။ |
रोमी 9:32
15 ပူးပေါင်းရင်းမြစ်များ
थेमे थेकी आबातेताङ आमातेलाङ आशी बिन्गीन च्याकीन थे फिजे आमा मरियमला “परमेश्वरगी खटे खाबाते दि फिजाला ङुरूङ इस्राएली नाङ कोईकी दिला परमेश्वरगी ताङाते ईनराङ मेन सिन विरोध खिओ। थोक खित्कान्तेबाला परमेश्वरगी सजाय तेरग्यो। कोईकीचेन दिला परमेश्वरगी ताङाते ईन सिन पत्ते खिओ। थोक खित्कानलाचेन परमेश्वरगी आशी बिन्ला लेमु खिओ।
इस्राएलीओन दोक खाईन परमेश्वरगी साबाते मेङेन्कान गाल्सीनोङ था थेबेकी नोमुङ परमेश्वर छ्य्वापा लै खित्च्येते मौका माङेत्ला पापकी सजाय भोगे खिता फाप्क्यो सिनचेन ङे साबाते मेन। बरू बात चुक ईन्दे सासीन थेबेकी थोक खाईन परमेश्वरगी साबाते माङेन्देकी खित्सादु ज्येन ज्येन जातकी मिकीका परमेश्वरगी खोपरोङला पापकी सजायदुकी डेल्ग्यो सिरच्येते बात छ्या स्येच्येते मौका ङेत्सुङ। थेकी थेबाला दि मौका बिन्दा थोङनामेई इस्राएलीओनला स्येदाङ लाला थेबा थे खोरोङ छ्य्वापा लै खाला आशी ङेत्स्यीत सिनराङ परमेश्वरगी दोक खाबाते ईन।
थोगी बात चुक ईन्दे सासीन अब्राहामगी परमेश्वरला विश्वास खाबेकीकामा थेकी थेत्ताङ जमान खाबाते ईन। परमेश्वरगीनी थे खोरोङ दयेकीकामा दोक खाला जमान खित्च्येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्देकी थे सन्तानओन लाईदुङ ईन। अब्राहाम सन्तान साबातेचेन परमेश्वर नियम ङेताते यहूदीओनकामा मेन, अब्राहामगी च्योकराङ खाला परमेश्वरला विश्वास खित्कान्ते मि गाङेराङ ईन। परमेश्वरला विश्वास खित्कान्ते ङुरूङ गाङेते ज्युज्युचेन अब्राहामराङ ईन।
परमेश्वर बातला परमेश्वरगी “लो दि बात लेमु खाला ङेन। ङा सियोन सारदु ङाराङगी छाने खाबाते दोज्यीक ज्य्वाक्यो। थे मेताला छ्याःङ खिता मुथुप्च्या थे दो आउदी काम लै खित्च्येते ईन। परमेश्वरगी सियोन सारदु ज्याक्पाते दो साबाते मिकीकामा ङुरूङला लेमु खिता थुप्क्यो सिन थेला विश्वास खित्कान्ते मिओनला थेकी नोमुङ ङोचा मोलोङो,” सिन साबा ओत।
ကြော်ငြာတွေ