रोमी 9:31 - जिरेल

³¹ लोक्‍ला इस्राएलीओनगीचेन परमेश्‍वरगी खोपरोङला दोषी मेन सिरस्‍यीत सिन स्‍याप स्‍याप खाईन परमेश्‍वर नियमला खि साबा साबा खिता चाल्‍सीनोङ परमेश्‍वरगी थेबाला नोमुङ दोषी मेन सिन मासासुङ।

रोमी 9:31 ပူးပေါင်းရင်းမြစ်များ

रोमी 10:20

परमेश्‍वरगी साबाते बात खिन यशैयेकीङ ज्‍यीबाराङ मिक्‍किता खाईन “ङा चुक्‍ते ईन्‍दे सिन छ्याराङ स्‍येबा मोछोल्‍कान्‍ते मिओनगी ङाला छ्या स्‍येसुङ। थेमे ङे खोजीराङ मिक्‍किकान्‍ते मिओनला ङे ङाराङ चुक्‍ते परमेश्‍वर ईन्‍दे सिन छ्या स्‍ये च्‍युत्‍कीन बिन्‍दा ओत,” सिन साबा ओत।

रोमी 11:7

थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

फिलिप्‍पी 3:6

थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।