रोमी 8:38 - जिरेल38-39 थोगी ङे दि बात लेमु खाईन छ्या स्येबा ओत। च्यि सासीन दुरू सोन्ला देत देतसाक जे ओङसीनोङ थेमे स्यिनामेकीङ परमेश्वरगी ङुरूङला ङिङज्ये खिता मोतोङो। परमेश्वर दूतओनगी ईन्स्यीत, ल्हा लुओनगी ईन्स्यीत, थरिङोला ङेत्च्येते दुक्पा किम्मु बातकी ईन्स्यीत, था तिरी आइ परे खित्च्येते बातकी ईन्स्यीत, ल्हन्डीक स्यिन्डीपकी ईन्स्यीत थेमे खेनला स्वर्गने ओतातेबेकी ईन्स्यीत, थुल्ला नरककुण्डमा ओतातेबेकी ईन्स्यीत परमेश्वरगी जोबातेबरी जो ईन्सीनोङ जे ईन्सीनोङ सुङगीङ थेमे छ्याःङगीङ ङुरूङला ङिङज्ये खित्कान्ते परमेश्वर छ्य्वापेकी डेला मुथुबो। ङुरूङ प्रभु येशू ख्रीष्टकी खित्सादु थेकी ङुरूङला ङिङज्ये खिता नोमुङ तोङराङ मोतोङो। အခန်းကိုကြည့်ပါ။ |
रोमी 8:38
20 ပူးပေါင်းရင်းမြစ်များ
थेकी सा नाम खाङ ओताते परमेश्वर दूतओन ईन्स्यीत, ल्हा ल्हन्डीक ईन्स्यीत, छ्ये टेक्टे जो ईन्सीनोङ जे ईन्सीनोङ होदिबा गाङेला राज्य खित्च्येते अधिकार ख्रीष्टला बिन्दा ओत। थेमे थेकीराङ ख्रीष्ट छेत छ्ये होदिबा सुङ मेन, दि जुगला ईन्स्यीत, था ओङच्येते सत्यते जुगला ईन्स्यीत ख्रीष्टराङ गाङे भन्दा छ्येते ईन सिन साबा ओत।
च्यिला सासीन सा नाम ईन्स्यीत, मिओनगी थोङा थुप्च्येते देङला ओताते जति जे ईन्स्यीत, मिओनगी थोङा मुथुप्च्येते स्वर्गने परमेश्वर दूत ईन्स्यीत, ल्हा लु ईन्स्यीत, ज्येनला राज्य खित्कान्तेबा ईन्स्यीत, छ्ये टेक्टे जोराङ ईन्सीनोङ ओताते जति गाङे परमेश्वरगी थे छ्य्वापेकीराङ जोबाते ईन। जोबाते जति गाङे थेतेराङ ईन।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
परमेश्वरगी तेरग्यो सिन साबाते लुङबा अब्राहाम, इसहाक थेमे याकूबकी खोपरोङ स्या बेलासाकोङ ङेता मेतान। ईन्सीनोङ थे खोरोङगी जमान खाबाच्योक परमेश्वरगी ङीमाई दाक खिओ सिन थेला विश्वास खाबेकी थेबेकी थे ङेता छेतराङ ठाने खाईन स्यिसुङ। थेबा खोपरोङ दि सा लुङबादु खालि लामला ख्याम्कान्ते मि लुङबे मि च्योकराङ ईन सिन थेबाला छ्या ओतान।
ကြော်ငြာတွေ