रोमी 8:37 - जिरेल37 तर दाक्पोनला जे ओङसीनोङ येशू ख्रीष्टकी ङुरूङला ङिङज्ये खाबा ओतेकी सुङगीङ थेमे दोक्ते दुक्पा छ्याःङगीङ ङुरूङला ग्याला मुथुबो सिन ङुरूङ सेम मेसेता खाला ढुक्कराङ खाला देत्क्यो। အခန်းကိုကြည့်ပါ။ |
रोमी 8:37
25 ပူးပေါင်းရင်းမြစ်များ
थोगी च्यि था सुइँदेकी थेमे खइँदेकी ङुरूङला ङिङज्ये खित्कान्ते येशू ख्रीष्ट छ्य्वापेकी डेला थुप्क्योतरो? च्यि सासीन ङुरूङला दुक्पा ओङसीनोङ, पीर फाप्सीनोङ, ज्येनगी खेदा खाईन दुक्पा बिन्सीनोङ, त्वाबा तुक्पाताङ पेर्दुङबाराङ देता फाप्सीनोङ, खइँसाला दाक खइँदा ओङगीता सिन ज्यीबा खिता फाप्सीनोङ थेमे सेत्सुङराङ सासीनोङ येशू ख्रीष्टकी ङुरूङला ङिङज्ये खिता ताङाक्वा सिन नोमुङ सिरा माफाबो।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
दोक खित्जीन थेकी ङाला “ङे खोल्ला आउदी खाईन दया खाबा ओत। दि भन्दा ल्हाक्पा था खोल्ला छ्याःङ मोगोओ। खोरोङगी छ्याःङ खिता मुथुप्जीनराङ खुई ङेताते ङे शक्ति चुक छ्ये ईन्दाका सिन खुई छ्या स्येक्यो,” सिन सिदुक। थोगी ङाराङगी छ्याःङ खिता मुथुप्जीन ङानी गाका खिओ। च्यिला सासीन थोक्ते बेलालाराङ ख्रीष्टकी ङाराङला थे खोरोङ शक्ति बिन्दा ओत सिन ङे छ्या स्येकीदुक।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
ကြော်ငြာတွေ