रोमी 8:35 - जिरेल35 थोगी च्यि था सुइँदेकी थेमे खइँदेकी ङुरूङला ङिङज्ये खित्कान्ते येशू ख्रीष्ट छ्य्वापेकी डेला थुप्क्योतरो? च्यि सासीन ङुरूङला दुक्पा ओङसीनोङ, पीर फाप्सीनोङ, ज्येनगी खेदा खाईन दुक्पा बिन्सीनोङ, त्वाबा तुक्पाताङ पेर्दुङबाराङ देता फाप्सीनोङ, खइँसाला दाक खइँदा ओङगीता सिन ज्यीबा खिता फाप्सीनोङ थेमे सेत्सुङराङ सासीनोङ येशू ख्रीष्टकी ङुरूङला ङिङज्ये खिता ताङाक्वा सिन नोमुङ सिरा माफाबो। အခန်းကိုကြည့်ပါ။ |
रोमी 8:35
35 ပူးပေါင်းရင်းမြစ်များ
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
थोगी ङाराङगी छ्याःङ खिता मुथुप्जीन ईन्स्यीत, ज्येनगी ङाराङला इज्जत बेइज्जत खित्जीन ईन्स्यीत, दुक्पा ङेत्जीन ईन्स्यीत, मिओनगी ङाराङला खेदापानी खित्जीन ईन्स्यीत थेमे आपत् विपत्ला फाप्जीन ईन्स्यीत ख्रीष्टकी मि ईन्देकी ङानी सधैँ गा खिन देता थुप्क्यो। दोक खाला ङाराङगी छ्याःङ खिता मुथुपे बेलालाराङ ख्रीष्टकी शक्ति ङेता ओतेकी ङे जेङ खिता थुप्कीदुक।
थरिङोला टिक्पी दिन दोक्ते दुक्पा भोगे खिता फाप्सीनोङ दोक खाईन सिन्नामेईनी परमेश्वरगी ङेराङला सधैँभरि लाईदु मान बिन्ला थे खोरोङगी ज्वा चाला च्योकराङ लेमुका जोइओ। होथे बात सम्झे खित्जीन ङ्योकोनलानी थरिङोला टिक्पी दिन ङेराङगी भोगे खिन ओताते होदोक्ते पीरताङ दुक्पा छ्याःङ मेन सिराच्योक लाङगीदुक।
थेमे मिकी जति बुद्धि खिये खासीनोङ खोबा मुथुप्च्या खाला ख्रीष्टकी ङुरूङला चुक ङिङज्ये खिते सिन ख्योकोनगी खोबा थुप्स्यीत सिनोङ ङा प्रार्थना खिओ। परमेश्वरगी ख्योकोनला थे खोरोङ बुद्धि थेमे शक्ति बिन्ला थे खोरोङ च्योकराङ लेमु ओङाला गोच्येते जति तेरस्यीत सिनराङ ङा ख्योकोन लाईदु दोक दोक खाला प्रार्थना खिओ।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
दि काम खाबेकीराङ ङाला जेलदु लुक्पेकी दोक खाला दुक्पा भोगे खिन ओत। ईन्सीनोङ दोक खिता फापाते ङाला छ्याःङ ङोचा मेत। च्यिला सासीन ङे सुला विश्वास खाबा ओते थेमे थे चुक्ते ईन्दे सिन ङाला लेमु खाला छ्या ओत। थेमे ङे थे लाःक्तु जे सोम्पे खाला दुक थे खोरोङ दुरू ग्युरला ओङे छोमुसाकराङ थेकी थे लेमु खाला तेइओ सिरच्येते बातला ङाला छ्याःङ शंका मेत।
ကြော်ငြာတွေ