रोमी 8:28 - जिरेल28 थेमे दि बादोङ ङुरूङला लेमुराङ खाला छ्या ओत। च्यि सासीन परमेश्वरला ङिङज्ये खित्कान्ते मिओनलाचेन दुक्पा किम्मु जेराङ ओङसीनोङ परमेश्वरगी लेमुराङ ओङ ज्युत्क्यो। थेबे लाईदु थे खोरोङगी खिओ साबाते काम खिताप सिन परमेश्वरगी थेबाला थे खोरोङ दोन्दु स्योक सिन काताङाते ईन। အခန်းကိုကြည့်ပါ။ |
रोमी 8:28
53 ပူးပေါင်းရင်းမြစ်များ
थेबा ङिबोकी लेमुताङ मेलेबा छ्याःङ काम माक्याबाला थेबा क्या भन्दा गोमाराङ परमेश्वरगी रिबेकाला “आज्योतेकीका न्वातेला मान खिता फाप्क्यो,” सिन साबा ओतान। परमेश्वरगी सुइँदाला थे खोरोङ दोन्दु स्योक सिन छाने खित्जीन मिकी खाबाते लेमुताङ मेलेबा काम ताला मेन, थे खोरोङला छाने खिता सेम लाबातेला छाने खिओ सिन तेन्दालाराङ थेकी थेबा ङिबो नाङ न्वातेला थोक खाईन छाने खाबा ओतान।
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
थरिङोले ङुरूङ जीउ ङीमा ङि सुम देताला टाँए खाबाते पाल च्योक्तेकामा ईन। स्यिनामेकी ङुरूङ दाक रूल्ला डुइओ सिन ङुरूङला छ्या ओत। ईन्सीनोङ था तिरी परमेश्वरगी ङुरूङला नोमुङ स्यिला रूल्ला मोन्डोच्येते जीउ तेरग्यो। थे जीउचेन मिकी जोबाते खाम्बा च्योक मेन्देकी नोमुङ माराम्च्येते स्वर्गे खाम्बा च्योक्ते ईन।
ख्योकोन बात थोकीन ङा छकदाङ परे खासुङ। ख्योकोनगी चुक खाईन दोक खिता थुप्सुङा? च्यि परमेश्वरगी ख्योकोनला थे खोरोङ दोन्दु स्योक सिन काताङाते ख्रीष्टकी खाबाते कामगी खित्सादु दया खिन लेमु खिताप सिन मेनरो? ख्योकोननी होथोक खित्कान्ते परमेश्वर छ्य्वापेई ठाला ठाला खाईन सिन्दुक। थेमे ख्योकोननी ख्रीष्टते गा लाङच्येते बात ङेन्दे साटोला गा लाङच्येते बात ईन सिन ज्येनज्यीक बातका ङेन्दाला स्यूदुक।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
तर परमेश्वर सत्यते बातचेन नोमुङ माराम्च्या खाईन तिङाते खाम्बे जग च्योकराङ ईन। थे बात नोमुङ खुदुक मोन्डोओ। खइँदा खाम्बा च्यि लाईदु जोबाते ईन्दे सिन खाम्बे दोज्यीकला कोरगीन टिबाते बात च्योक खाईन परमेश्वर सत्यते बातला दोक दोक सिन टिबा ओत। चुक सासीन “थे खोरोङ मि सु सु ईन्दे सिन प्रभु परमेश्वरगी लेमु खाला छ्या स्येक्यो,” थेमे “प्रभु परमेश्वर मि ईन सिन सिरकान गाङेकी मेलेबा काम खिता तोङा फाप्क्यो,” सिन टिबा ओत।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
ကြော်ငြာတွေ