रोमी 8:14 - जिरेल

¹⁴ दोक खाला परमेश्‍वर आत्‍मेकी खित ज्‍युता चाला च्‍योकराङ खित्‍कान्‍ते मिचेन गाङेराङ परमेश्‍वर फुज्‍युङओन ईन।

रोमी 8:14 ပူးပေါင်းရင်းမြစ်များ

मत्ती 5:9

ज्‍येनला डिक्‍पा खाला तेरकान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला थे खोरोङ फुज्‍युङ फुमु ईन सिओ।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

रोमी 8:5

दाक्‍पोन खुशीला ख्‍याम्‍कान्‍ते मिओनगीचेन खोपरोङला चुक खिता सेम लाङगीका थे छ्य्‌वापाकामा स्‍येत खाला थोकराङ खिओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनगीचेन थेकी खि साबाते खित्‍च्‍ये छ्य्‌वापाकामा स्‍येत खाला थोकराङ खिओ।

रोमी 8:9

ख्‍योकोनचेन गोमा च्‍योकराङ दाक्‍पोन खुशीला ख्‍याम्‍कान्‍ते मि मेन। परमेश्‍वर आत्‍मेकी खि साबाच्‍योक खित्‍कान्‍ते मिओन ईन। दोक मेन्‍दा ईन्‍सीन ख्‍योकोनगी परमेश्‍वर आत्‍मा ङेत्‍च्‍या मेतान। च्‍यिला सासीन ख्रीष्‍टकी आत्‍मा ङेता मेत्‍सीन थोक्‍ते मि ख्रीष्‍टकी मि ईनराङ मेन।

रोमी 9:26

थेमे गोमा ङाराङगी ख्‍योकोन ङे मि मेन साबाते मिओनलाराङ थाचेन दिबा सोम्‍बोते परमेश्‍वर फुज्‍युङ फुमु ईन सिन सिओ,” सिन साबा ओत।

रोमी 9:8

थोगी बात च्‍यिन्‍दे सासीन अब्राहाम फुज्‍युङ फुमु ओङला केजीनमेईराङ गाङेला परमेश्‍वर फुज्‍युङ फुमु ईन सिन सिरा मुथुबो। इसहाक केइओ सिन साबाच्‍योक खाईन परमेश्‍वर थे खोरोङगीराङ अब्राहाम सन्‍तान ओङ च्‍युताते मिओनकामा परमेश्‍वर सन्‍तान ईन।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 4:5

परमेश्‍वर नियम अधीनला देत्‍कान्‍ते तर थेरू खि साबा साबाच्‍योक खिता मुथुप्‍कान्‍ते मिओन था थे नियम अधीनला देता माफाप्‍स्‍यीत सिन परमेश्‍वरगी थे खोरोङ फुज्‍युङला देमा ताङा ओतान। दोक खाईन थेकी ङुरूङला थे खोरोङ धर्म-पुत्र जोकीन थे फुज्‍युङ फुमुकी ङेत्‍च्‍येते जति गाङे ङेत्‍च्‍येते अधिकार बिन्‍सुङ।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

गलाती 5:18

ख्‍योकोनगी परमेश्‍वर आत्‍मेकी खित ज्‍युता चालाच्‍योक खासीन परमेश्‍वर नियम अधीनला देता माफाबो।

एफिसी 1:5

थेजीनराङ थेकी येशू ख्रीष्‍टकी खित्‍च्‍येते कामगी खित्‍सादु ङुरूङला थे खोरोङ धर्म-पुत्र जोइओ सिन साबा ओतान। थे खोरोङगी थोक खिता सेम खाबेकीराङ परमेश्‍वरगी दोक दोक खाबा ओतान।

एफिसी 5:9

चुक सासीन नाम्‍दाकला देत्‍कान्‍ते मिकीचेन लेमुते कामताङ बात खिओ, परमेश्‍वरगी खि साबा साबाच्‍योक खिओ थेमे साँचोते बातकामा खिओ।

१ यूहन्‍ना 3:1

लो विचार खिते, आबा परमेश्‍वरगी ङुरूङला चुक आउदी ङिङज्‍ये खासुङा। थेकी थोक आउदी ङिङज्‍ये खाईन ङुरूङला थे खोरोङ फुज्‍युङ फुमु ईन सिओ। ईन्‍दाबोङ ङुरूङ थे फुज्‍युङ फुमुराङ ईन। दि सा लुङबे मिओनगी ङुरूङ चुक्‍ते मि ईन्‍दे सिन छ्याःङ छ्या मेस्‍येओ। च्‍यिला सासीन थेबेकी परमेश्‍वर सु ईन्‍दे सिन छ्या मास्‍येसुङ।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।