रोमी 7:7 - जिरेल

⁷ ङे दि बात सिरजीन थोक ईन्‍सीनका परमेश्‍वर नियमराङ मेलेबा दुका ओना सिरच्‍येते बात थेन्‍ग्‍यो। तर थे नियमनी मेलेबा ईनराङ मेन। परमेश्‍वरगी थे खोरोङ नियम माबिन्‍दा ईन्‍सीन पाप सिराते च्‍यि ईन्‍दे सिन ङे छ्याःङ छ्या स्‍येच्‍या मेतान। चुक खाला सासीन परमेश्‍वर नियमला “ज्‍येनगीते सिराते छ्याःङगीतेङ लोभ माकेत,” साबा मेता ईन्‍सीन ङाराङगी लोभ खिन ओत सिन ङे छ्याराङ स्‍येच्‍या मेतान।

रोमी 7:7 ပူးပေါင်းရင်းမြစ်များ

मत्ती 5:28

ङाचेन ख्‍योकोनला च्‍यि सिते सासीन सुइँदेकी सुइँदा फेम्‍मे मिला खइँदा मेलेबा विचारगी तासुङ सासीनकामाङ थेकी थे फेम्‍मे मित्ताङ रन्‍डीबाजी खाबा छेतराङ ईन सिन सिओ।

लूका 12:15

थेमे थेकी थेरू ओताते मि गाङेला “ख्‍योकोन च्‍याङबो खि। ख्‍योकोनगी लोभ सिराते छ्याःङलाङ माकेत। सम्‍पत्ति थुप्रो ओत्‍जीनमेईराङ मिकी लेमु खाला जुनीकाल्‍बा क्‍योङा थुप्‍च्‍येते मेन,” सिन सासुङ।

लूका 20:16

च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?” सिन सिदुक। थेकी थोक सिरजीन थेरू ओताते मिओनगी “दोकनी मिलामलाङ मेङस्‍यीत,” सिन सिदुक।

शक्ति काम 20:33

ज्‍येन बात च्‍यि सासीन ख्‍योकोनताङ ङ्योम्‍बु देत्‍जीन ङे सुङगीङ सेर नोरताङ खोलाक लोभ माक्‍या, सुङलाङ छ्याःङ नाङ मासा।

रोमी 13:9

परमेश्‍वर नियमला “रन्‍डीबाजी खिता मेङगो, मि सेता मेङगो, क्‍वा मेङगो, ज्‍येनगीते सिराते छ्याःङगीतेङ लोभ माकेत,” सिन साबा ओत। थेमे दोक्‍ते नियम ज्‍येनोङ ओत। दोक्‍ते नियम जति ओत्‍सीनोङ “दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबाते नियमज्‍यीक नाङराङ होदि नियम गाङे फाप्‍क्‍यो।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

रोमी 3:5

थोगी था ङुरूङगी परमेश्‍वरगी साबाते माङेन्‍गीन मेलेबा काम खासीनोङ थेकीचेन नोमुङ मेलेबा काम मिक्‍किच्‍याक्‍वा सिन झन लेमु खाला छ्या स्‍येकीदुक सासीन ङुरूङगी च्‍यि मेलेबा खाबाते ईन्‍देरो? ङुरूङगी मेलेबा काम खासुङ सिन थेकी ङुरूङला स्‍येदाङगी चूर गाल्‍गीन सजाय बिन्‍सीन दिनी दाक अन्‍याय खाबाते ओङसुङ याङ सिरच्‍येते बादोङ थेन्‍ग्‍यो। दिनी कोई कोई मिकी खित्‍च्‍येते बातकामा ईन।

रोमी 4:1

परमेश्‍वरगी मिओनला दोषी मेन सिरच्‍येते बात खित्‍जीन था ङुरूङ यहूदीओन ज्‍युज्‍यु अब्राहाम बातराङ खिइना। परमेश्‍वरगी थेला चुक खाईन दोषी मेन साबा ओताने?

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

रोमी 7:11

ङाराङ सेमला पाप ओतेकी खित्‍सादु परमेश्‍वर नियमला माकेत साबा साबा खासीन ओङगो सिन ङा छक्‍के खाईन ङे थेरू माकेत साबा साबाते कामराङ खाबाप। थोक खाईन पाप खानामेई ङा थे नियमगी तोके खाबाते पापकी सजाय भोगे खाला स्‍या फाप्‍च्‍या ओङाते ईन।

रोमी 7:13

परमेश्‍वर नियम दोक लेमु ईन्‍गीन ईन्‍गीनोङ ङा थेरू तोके खाबाते सजाय भोगे खिन स्‍या फाप्‍च्‍या ओङाते थे नियमगी खित्‍सादु मेन। दोक माकेत, थोक माकेत सिरच्‍येते नियम लेमु ईन्‍सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्‍ला स्‍या फाप्‍च्‍या ओङाते ईन। पापकी खित्‍सादु दोक ओङेकी दि पाप सिराते चुक मेलेबा ईन्‍दे थेमे दिकी खित्‍सादु मिला चुक मेलेबा ओङच्‍या ईन्‍दाका सिन ङुरूङगी लेमु खाला छ्या स्‍येकीदुक।

रोमी 7:5

गोमाबा ङुरूङ दाक्‍पोन खुशीला ख्‍याम्‍गीन ओतान। थोगी थेजीन दाक्‍पोन सेम मेलेबा ओतेकी झन परमेश्‍वर नियमला माकेत साबा साबाकामा खिता सेम लाकीन ङुरूङ मेलेबाते कामताङ बात खिन ओतान। थोक खाबेकी ङुरूङ सजाय ङेत्‍ला स्‍या फाप्‍च्‍या ओङा ओतान।

रोमी 7:8

परमेश्‍वर नियमला “लोभ माकेत,” साबाते बात छ्या स्‍येनामेई ङे सेमला पाप ओतेकी ङाला झन झन डारताङ लोभ लाङाला स्‍यूसुङ। दोक माकेत, थोक माकेत सिरच्‍येते थे नियम मेता ईन्‍सीनचेन पाप खित्‍च्‍या सिराते ओङच्‍या मेतान।

१ कोरिन्‍थी 15:56

पाप खाबेकीराङ मि कालगी खाला फाप्‍च्‍येते ईन। थेमे परमेश्‍वर नियमला जे जे माकेत साला दुक झन थे थे खालाराङ पाप खित्‍च्‍येते ईन।

एफिसी 5:3

रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम थेमे लोभ खित्‍च्‍येतेनी बातराङ थोङ, होदोक्‍ते कामगी बात समेदोङ ख्‍योकोनगी खिता मेङगो। परमेश्‍वर सन्‍तानगी होदोक्‍ते बात खिताराङ सोई मिक्‍किओ।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

१ थिस्‍सलोनिकी 4:5

परमेश्‍वरला छ्या मास्‍येबाते मिओनगी खोपरोङ सेम थामे खिता माथुप्‍ला फेम्‍मेतेबाला चुक खिता सेम लाङगीका थोकराङ खिओ। ख्‍योकोनगीचेन थेबेकी च्‍योक माकेत।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।