रोमी 7:10 - जिरेल

¹⁰ परमेश्‍वर नियमला खि साबा च्‍योकराङ खित्‍कान्‍ते मिओनगी नोमुङ मिसिन्‍च्‍येते जुनी ङेत्‍च्‍येते ईन्‍सीनोङ थेरू खि साबाच्‍योक खिता माथुपेकी ङानी थे नियमगी तोके खाबाते सजाय ङेत्‍ला स्‍या फाप्‍च्‍या ओङा ओतान।

रोमी 7:10 ပူးပေါင်းရင်းမြစ်များ

रोमी 10:5

थोगी परमेश्‍वर नियम ङेन्‍ला दाक्‍पोनला परमेश्‍वरगी दोषी मेन सिओ सिरकान्‍ते मि बात खिन मोशेकी चुक साबा ओते सासीन “परमेश्‍वर नियमला खि साबाते गाङे साबा साबाच्‍योक खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 7:9

थे नियम छ्या मेत्‍जीन गोमा ङा ङाराङगी छ्याःङ पाप खाबा मेत सिन ढुक्‍क खाईन देता ओतान। तिरी परमेश्‍वर नियम छ्या स्‍येनामेई थेरू दोक माकेत, थोक माकेत साबा साबाराङ खिता सेम लाकीन थेरू माकेत साबातेराङ खाईन ङे दाक पाप खाबाप। थोक खानामेई ङा सजाय ङेत्‍कीन स्‍या फाप्‍च्‍या ओङा ओतान।

२ कोरिन्‍थी 3:7

दोई पाटीला खोपे खाईन टिबाते होथे नियम पाटीओन परमेश्‍वरगी थे खोरोङला तेरजीन थेत्ताङ बात खाबेकी परमेश्‍वर झिलिमिली नाम्‍दाककी खित्‍सादु मोशे छ्येत आउदी खाला टल्‍के खित्‍च्‍या गाला ओतान। थेते थोक खाला टल्‍के खित्‍च्‍येते छ्येतकी टाक घटे खाला डुइन ओत्‍सीनोङ ज्‍यीबेकी इस्राएलीओनगी मोशे छ्येत ता थुप्‍कीन मेतान। थेरू साबा च्‍योकराङ माक्‍यासीन पापकी सजाय ङेत्‍ला स्‍यिइओ सिन टिबा ओताते थे नियम तेरजीननी परमेश्‍वरते थोक आउदी झिलिमिली मिओनगी थोङा थुपा ओतान सासीन

गलाती 3:12

थे खोरोङला विश्‍वास खाबेकी खित्‍सादुकामा परमेश्‍वरगी मिओनला दोषी मेन सिओ सिरच्‍येते बात परमेश्‍वर नियमला छ्याःङ टिबाराङ मेत। थेरूनी खालि “नियमला खि साबाते गाङे साबा साबा च्‍योकराङ खित्‍कान्‍ते मिकीकामा नोमुङ मिसिन्‍च्‍येते जुनी ङेत्‍क्‍यो,” सिन टिबा ओत।