रोमी 6:21 - जिरेल21 थेजीन खेराङगी चुक चुक खाबा ओताने सिन सम्झे खाला थरिङोला खेराङराङ ङोचा खिदुक। थोक खाला परमेश्वरगी माकेत साबाते काम खित्जीन ख्योकोनगी च्यि ङेता ओताने? थेजीन ख्योकोनगी खाबाते कामगी खित्सादुचेन ख्योकोन पापकी सजाय ङेत्ला स्या फाप्च्या ओङा ओतान। အခန်းကိုကြည့်ပါ။ |
रोमी 6:21
46 ပူးပေါင်းရင်းမြစ်များ
बात चुक ईन्दे सासीन मिज्यीगी पाप खाबेकी खित्सादु दि सा लुङबादु पाप खित्च्येते सिराते शुरू ओङगीन थे तिरी मि गाङेकी पाप खिताला स्यूसुङ। थेमे पाप खाबेकी खित्सादु थे मि कालगी खाला फाप्ला स्या फाप्च्या ओङसुङ। थोक ओङगीन थे तिरी मिङ गाङेराङ स्या फाप्च्या ओङसुङ। च्यिला सासीन थेबाङ गाङेराङ पापीराङ गाला ओतान।
दाक्पोन खुशीकीराङ ज्येन मि काम खित गाल्नामेई थे मिकी मालिकतेकी कोताते मिक्किओ सिरा मेङेदो। जे खि सासीनोङ थेकी ङेन्दाराङ फाप्क्यो सिन ख्योकोनला छ्याराङ ओत। होदि बात च्योकराङ ख्योकोनगी पाप खासीन ख्योकोन पापकी योक्पो च्योकराङ ओङला पाप खिन देता फाप्क्यो। दोक खिन देत्नामेई ख्योकोन पापकी सजाय ङेत्ला स्यिइओ। परमेश्वरला दाक्पोन मालिक सिन थेकी साबाते ङेन्सीनचेन थेकी ख्योकोनला सजाय मेतेरा खाला दोषी मेन सिओ।
ङ्योकोन ईप्ला छ्याक्ला ज्येनला ठगे खित्च्येते च्योक्ते ङोचा लाङच्येते काम मिक्किओ, मिला छक्के खिताला ईनराङ मेन्दे बात मोलोबो, ङ्योकोननी परमेश्वर बात खुदुक जोला लोप्च्येतेङ मिक्किओ। परमेश्वर दोन्दुराङ काम खाबाच्योक खाला ङ्योकोननी सत्यते बातला जे साला दुक थेकामा लोप्क्यो। थोक ईन्देकी ङ्योकोनगी सत्यते बातकामा लापा ओत सिन मि गाङेकी सिरा थुप्क्यो।
लो विचार खि, परमेश्वरगी ख्योकोन सेमला फोक्च्येते थे काम खानामेई ख्योकोनला थोई लेमु ओङसुङा। च्यि सासीन था ख्योकोनगी ङेत गोमा च्योक खितराङ मिक्किओ सिन खालि लेमु खित्च्ये छ्य्वापाकामा स्येत खिताला स्यूसुङ, खेराङगी ङाला गोमाबा च्यिला थोक मेलेबा खाताका, थोक खाबाते लेमु मेन्दाक्वा सिन छ्या स्येबाला स्यूसुङ, था ङे ख्योकोनला च्यि खिताना चुक सिताना सिन ज्यीबा खिताला स्यूसुङ, ख्योकोन था ङात्ताङ ठेताला आउदी सेम खिताला स्यूसुङ थेमे खेराङ नाङ मेलेबा खित्कान्ते मिला सजाय तेराला टुङ्गो खासुङ। दोक दोक खाईन ख्योकोनगी था खेराङ दोषी मेन सिन तेन्दाला स्यूसुङ।
थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक।
होथोक्ते मिकीनी थोक ज्यीबा लाङच्याई सजाय ङेत्क्यो सासीन परमेश्वर फुज्युङला काम्बे पुज्या छेदोङ गने मिक्किकान्ते, दाक्पोन सेम खुदुक जोच्येते जमान पूरो खित्कान्ते परमेश्वर फुज्युङ ठाकला छ्याःङ काम लै मिक्किच्येते च्योक ठाने खित्कान्ते थेमे मिओनला दया खित्कान्ते परमेश्वर आत्मे विरोध खित्कान्ते मिकी झन चुक ज्यीबा लाङच्याई सजाय ङेदोङा सिन ख्योकोन खेराङराङ विचार खि।
थोक खित ज्युत्कान्ते मिकी दि बात लेमु खाला छ्या स्येबा खि। च्यि सासीन थेकी होथोक्ते मिला मेन्दे बात ङेन्गीन देत मुज्युदो। दोक खाला थेकी थे मिला स्यिला नरककुण्डमा स्यूक्पा फाप्च्येते सजायदुकी थार ज्युत्क्यो। थोक खित्कान्ते मिलाचेन थेकी जतिराङ पाप खाबा ओत्सीनोङ परमेश्वरगी माफ तेरग्यो।
ကြော်ငြာတွေ