रोमी 6:19 - जिरेल19 ख्योकोनगी लेमु खाला खोबा थुप्स्यीत सिन ङे दुरू मालिकताङ योक्पो बात खाबाते ईन। गोमा पापकी योक्पो च्योकराङ ओत्जीन ख्योकोनगी खिता ओङच्या मेङच्या जेसुकै ङोचा लाङच्येते काम थेमे परमेश्वरगी माकेत साबाते ज्येनोङ मेलेबा काम खिन ओतान। थेजीन ख्योकोन बोली, काम, बानी जेङ मेलेबा ओतान। गोमाबा होथोक्ते मेलेबा मेलेबा काम खाबा च्योकराङ थाचेन ख्योकोनगी परमेश्वरगी खि साबा साबा ङेन्ला थेकी खि साबाते खित्च्ये छ्य्वापाकामा स्येत खि। थोक खानामेई ख्योकोनते बोली, काम, बानी गाङे लेमु गाल्ला ख्योकोनगी परमेश्वरला मन परे खित्च्येते कामताङ बात खिओ। အခန်းကိုကြည့်ပါ။ |
रोमी 6:19
19 ပူးပေါင်းရင်းမြစ်များ
थोगी था ङुरूङगी परमेश्वरगी साबाते माङेन्गीन मेलेबा काम खासीनोङ थेकीचेन नोमुङ मेलेबा काम मिक्किच्याक्वा सिन झन लेमु खाला छ्या स्येकीदुक सासीन ङुरूङगी च्यि मेलेबा खाबाते ईन्देरो? ङुरूङगी मेलेबा काम खासुङ सिन थेकी ङुरूङला स्येदाङगी चूर गाल्गीन सजाय बिन्सीन दिनी दाक अन्याय खाबाते ओङसुङ याङ सिरच्येते बादोङ थेन्ग्यो। दिनी कोई कोई मिकी खित्च्येते बातकामा ईन।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
ङुरूङगी चुक सजिलो खाला दाक पाप खिता थुप्कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्सीनचेन ङा ख्योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्युता छोल्गीते सिनोङ थेला छ्या ओत। च्यिला सासीन थेलाङ शैतानगी परी परी खाईन लुकीन पाप खित ज्युता चाला ओतान। शैतानगी थोक खित्जीनोङ थेकी नोमुङ छ्याःङ पाप खाबा मेतान।
ကြော်ငြာတွေ