रोमी 5:20 - जिरेल

²⁰ थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 5:20 ပူးပေါင်းရင်းမြစ်များ

मत्ती 20:9

थेमे थेकीङ मालिकतेकी साबा च्‍योकराङ खाईन पाँच बजे नाङपा काम खित गालातेबाला चाँदी डबल रेरे निमेक बिन्‍दुक्‍लो। थोकराङ खाईन ज्‍येनतेबा गाङेलाङ चाँदी डबल रेरेराङ बिन्‍दुक्‍लो।

मत्ती 9:13

ख्‍योकोनगी परमेश्‍वर बात लेमु खाला पढे खाला च्‍याला थेरू परमेश्‍वरगी ‘ङाला सिन भोग बिन्‍ला जेसुकै चढे खाला खिता भन्‍दा बरू ख्‍योकोनगी ज्‍येनला ङिङज्‍ये खि,’ सिन साबाते बात खोबा खि। थोगी ङाङ पापीओनला परमेश्‍वर छ्य्‌वापा लै खि सिराला वाबाते ईन। धर्मतीतेबाला दोक खि सिराला वाबाते मेन,” सिन सिदुक।

लूका 7:47

थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

यूहन्‍ना 10:10

चोरनी खालि क्‍वाप सिन, सेताप सिन थेमे जेसुकै ङ्ये ज्‍युताप सिनकामा ओङगो। ङाचेन मिओनगी नोमुङ मिसिन्‍च्‍येते जुनी ङेत्‍स्‍यीत थेमे थे जुनी ङे थेबाला तेरा चालाच्‍योक पूरो खाला ङेत्‍स्‍यीत सिन दुरू वाबाते ईन।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 6:1

परमेश्‍वरगी मिओनला दया खित्‍च्‍येते बात दोकराङ ईन्‍सीनका थोरूमोङ ङुरूङगी पाप खिनराङ देता लेमु ईन्‍दासीन। च्‍यिला सासीन दोक खित्‍जीनका ङुरूङगी खाबाते पाप माफ खिताला परमेश्‍वरगी झन दया खित्‍च्‍येते मौका ङेत्‍च्‍याक्‍वा सिन ङुरूङगी सिरा मेङगो।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।