रोमी 5:17 - जिरेल17 थोक खाईन मिज्यीगी पाप खाईन थेकी खित्सादु कालगी खादुकी सुङ थारा मुथुप्च्या ओङगीन मि गाङेराङ स्या फाप्च्या ओङा ओतान। तर येशू ख्रीष्टकी खाबाते कामगी खित्सादु परमेश्वरगी आउदी दया खाईन दोषी मेन साबाते मिओनगीचेन नोमुङ मिसिन्च्येते जुनी ङेत्ला येशू ख्रीष्टताङराङ राज्य खिओ। အခန်းကိုကြည့်ပါ။ |
रोमी 5:17
26 ပူးပေါင်းရင်းမြစ်များ
बात चुक ईन्दे सासीन मिज्यीगी पाप खाबेकी खित्सादु दि सा लुङबादु पाप खित्च्येते सिराते शुरू ओङगीन थे तिरी मि गाङेकी पाप खिताला स्यूसुङ। थेमे पाप खाबेकी खित्सादु थे मि कालगी खाला फाप्ला स्या फाप्च्या ओङसुङ। थोक ओङगीन थे तिरी मिङ गाङेराङ स्या फाप्च्या ओङसुङ। च्यिला सासीन थेबाङ गाङेराङ पापीराङ गाला ओतान।
चुक खाला सासीन आदम दोक्पोईकी परमेश्वरगी माकेत साबाते काम खाईन पाप खाबेकी खित्सादु मि काल्बेईला चुक मेलेबा ओङसुङा सिरच्येते बातताङ येशू ख्रीष्टकी खाबाते कामगी खित्सादु परमेश्वरगी मि काल्बेईला दया खित्च्येते बातचेन खापान खापान खुदुक ईन। आदमगी खित्सादु मिओन स्या फाप्कीन ओतान सासीन येशू ख्रीष्टकी खित्सादुचेन परमेश्वरगी थे खोरोङ दयेकी मिओनला पापकी सजाय मेतेरच्या ओङसुङ।
थोक ईन्सीन परमेश्वरगी मिओनला च्यिला थे खोरोङ नियम बिन्सुङा सिनोङ बात थेन्ग्यो मेन? नियम ओत्सीनोङ थेरू खिता मेङगो साबा साबाराङ खाला झन झन पाप खित्च्याक्वा सिन मिओनगी छ्या स्येस्यीत सिनराङ परमेश्वरगी थे नियम बिन्दा ओतान। दोक खाईन मिओन झन पाप खित्कान गाल्सीनोङ थेबे पाप माफ तेराला परमेश्वरगी थेबाला झन आउदी दया खाबाते ईन।
खेराङगी चालाते ख्योकोनगी गाङे ङेत्कीन सिन्दुक। था ख्योकोन छ्याःङ मोगोच्या गाल्गीन सिन्दुक। था ख्योकोनला ङ्योकोन मोगोच्याक्वा। ख्योकोननी गेल्बोङ ओङगीन सिन्दुक। ख्योकोन गेल्बो ओङाते ङाला गा लाङगीदुक। साँच्चीराङ ख्योकोन थोक ओङाते ईन्सीन ङ्योकोनोङ ख्योकोनताङ गेल्बो ओङला राज्य खित्च्या ओतान।
थेमे परमेश्वरगी ङाला ख्रीष्टताङ लेमु खाईन डिगीन देताते थोङस्यीत सिनराङ ङे होथे गोमे बाततेबा विचारराङ खिता ताङाते ईन। परमेश्वर नियम ङेन्गीन धर्म कर्म खाबेकी खित्सादु मेन, बरू ङा ख्रीष्टला विश्वास खित्कान्ते मि ईन सिन थाचेन परमेश्वरगी ङाला दोषी मेन सिन सिओ। च्यिला सासीन परमेश्वरगी मिकी खाबाते काम ताला मेन्देकी ख्रीष्टकी खाबाते काम ताला थेला विश्वास खित्कान्ते मिओनला दोषी मेन सिन सिओ।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
स्याप्तेबे नाङ दि गोमे बाजिला परमेश्वरगी सोम्बो लोक्पाते मिओन भाग्यमानी ईन। थेबाचेन सेम खुदुक गाल्गीन लेमु काम खित्कान्ते मिओन ईन। थाचेन दिबेकी ज्यीबा लाङच्याज्यीक मे धुनी नाङ स्यूक्पा फाप्च्येते बातकीते छ्याःङ ज्यीबा खिता माफाबो। दिबा था परमेश्वरताङ ख्रीष्टकी दोन्दु पूजारी ओङला देता ङेत्क्यो। दिबेकी लो हजारज्यीकसाक ख्रीष्टताङराङ राज्य खिओ।
ကြော်ငြာတွေ