रोमी 5:10 - जिरेल

¹⁰ ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 5:10 ပူးပေါင်းရင်းမြစ်များ

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

यूहन्‍ना 5:26

मिओनला जुनी तेरकान्‍तेचेन आबा ईन। थे खोरोङगी च्‍योकराङ खाला मिओनला जुनी तेरच्‍येते अधिकार थेकी थे खोरोङ फुज्‍युङलाङ बिन्‍दा ओत।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

रोमी 11:28

गा लाङच्‍येते बात माङेन्‍देकी इस्राएलीओन परमेश्‍वरताङ मिडिक्‍कान्‍ते मि ईन। थेबा थोक खाईन थेत्ताङ माडिक्‍पेकी खित्‍सादु ख्‍योकोन ज्‍येन ज्‍येन जातकी मिकी गा लाङच्‍येते बात ङेन्‍दा ङेताते ईन। थोक ईन्‍सीनोङ थेबे ज्‍युज्‍यु पुर्खा परमेश्‍वरगी छाने खाबाते मि ईन्‍देकी थेकी थेबाला ङिङज्‍ये खिता ताङा मेत।

रोमी 5:11

दोस्‍यिककामा मेन, ङुरूङ प्रभु येशूकी ङुरूङला परमेश्‍वरताङ डिक्‍पा खाईन बिन्‍दा ओतेकी परमेश्‍वर ङुरूङला चुक लेमु खित्‍कान्‍ते ईन्‍दे सिन था ङुरूङ गा खिन देता थुप्‍क्‍यो।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

एफिसी 2:16

दोक खाईन थेकी ङुरूङला जीउज्‍यीकराङ जोसुङ। थेमे थे खोरोङ स्‍यिङगी थामला टाँए खाईन स्‍याप्‍की खित्‍सादु थोक खाईन जीउज्‍यीकराङ जोबाते ङुरूङला थेकी परमेश्‍वरताङ डिक्‍पा खाईन बिन्‍सुङ। दोक खाईन थेकी ख्‍योकोनताङ ङ्योकोन फारदु थेमे परमेश्‍वरताङ ङुरूङ फारदु ओताते मिडिक्‍च्‍येते बात गाङे तोर च्‍युत्‍सुङ।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 4:10

परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।