रोमी 4:5 - जिरेल

⁵ तर परमेश्‍वरगी सुइँदाला दोषी मेन सिरच्‍येते बातचेन थे मिकी काम खाबेकी तलब बिन्‍दाते च्‍योक मेन। थोगी सुइँदेकी परमेश्‍वरगी खि साबाच्‍योक खित्‍च्‍या सिन दुक्‍पा खाईन खाईन लेमु काम खाबेकी खित्‍सादु मेन, परमेश्‍वरगी पापीते मिओनला दोषी मेन सिओ सिन थेला विश्‍वास खित्‍कान्‍ते मिओनलाका परमेश्‍वरगी दोषी मेन सिओ। दोक खाला थे खोरोङला विश्‍वास खित्‍कान्‍ते मिओनला थेकी होथोक्‍ते मि ईन सिओ।

रोमी 4:5 ပူးပေါင်းရင်းမြစ်များ

मर्कूस 9:23

थोक सिरजीन थेकी “खो च्‍यिला ठाक्‍पा खिता थुप्‍सीन सिते? परमेश्‍वरगी जेङ खिता थुप्‍क्‍यो सिन थेला विश्‍वास खासीन थेकी जस्‍तो कामोङ खिओ,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:29

थोक सिरजीन थेकी “परमेश्‍वरगी खि साबाते कामचेन थेकी दुरू ताङाते मिला विश्‍वास खित्‍च्‍येतेराङ ईन,” सिन सिदुक।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 4:24

थे बातचेन ङुरूङ लाईदुङ साबाते ईन। ङुरूङलाङ परमेश्‍वरगी दोषी मेन सिओ। च्‍यिला सासीन ङुरूङोङ ङुरूङ प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरलाराङ विश्‍वास खित्‍कान्‍ते मि ईन।

रोमी 4:3

परमेश्‍वरगी थेला चुक खाईन दोषी मेन साबा ओताने सिरच्‍येते बातनी परमेश्‍वर बातला दोक सिनका साबा ओत। च्‍यि सासीन “परमेश्‍वरगी साबा च्‍योकराङ खिओ सिन अब्राहामगी थेला विश्‍वास खासुङ। थोक खाबेकी खित्‍सादु परमेश्‍वरगी थेला दोषी मेन सिदुक,” सिन टिबा ओत।

रोमी 4:6

दोक खाईन मिकी परमेश्‍वरगी खि साबाच्‍योक लेमु काम खाबा मेत्‍सीनोङ परमेश्‍वरगी थेला दोषी मेन सानामेई थोक्‍ते मि चुक भाग्‍यमानी ईन्‍दे सिन गेल्‍बो दाऊदकीङ दोक सिन साबा ओतान।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।