रोमी 3:27 - जिरेल

²⁷ बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

रोमी 3:27 ပူးပေါင်းရင်းမြစ်များ

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

रोमी 10:5

थोगी परमेश्‍वर नियम ङेन्‍ला दाक्‍पोनला परमेश्‍वरगी दोषी मेन सिओ सिरकान्‍ते मि बात खिन मोशेकी चुक साबा ओते सासीन “परमेश्‍वर नियमला खि साबाते गाङे साबा साबाच्‍योक खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 11:6

थेबाला थेकी खोपरोङगी खाबाते धर्म कर्मे काम ताकीन छाने खाबाते मेन। थे खोरोङ दयेकी खित्‍सादुकामा थेकी थेबाला दोक खाबाते ईन। मिकी खाबाते धर्म कर्मे काम ताकीन छाने खाबाते ईन्‍सीन थेकी थे खोरोङ दयेकी खित्‍सादुकामा मिओनला छाने खित्‍च्‍येते ईन सिन सिरा थुप्‍च्‍या मेतान।

रोमी 2:17

थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 2:23

ख्‍योकोन चुक्‍तेन्‍दे ईन्‍दाका। परमेश्‍वरगी ङ्योकोनला थे खोरोङ नियम बिन्‍दा ओत सिन छ्ये खित्‍कान्‍तेबा ख्‍योकोनगीराङ थे नियम माङेन्‍ला परमेश्‍वरला छ्याःङ च्‍योक गने मिक्‍किदुक।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 4:2

च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

रोमी 7:21

थोगी ङे जति लेमु खिता चाल्‍सीनोङ थोक खिता माथुप्‍ला खालि ङे दोक माक्‍याबाला मेङच्‍येते च्‍योकराङ खाला मेलेबाते कामकामा खिता फाप्‍कीदुक।

रोमी 7:23

ईन्‍सीनोङ ङाराङ बोली, कामताङ बानी ताजीनचेन ङाराङगी लेमु खिता चालाते बातताङ बान्‍दा मिडिक्‍तुक। ङाराङ पापकी योक्‍पो च्‍योकराङ गाल्‍गीन सिन्‍दा ओतेकी बात खित्‍जीन ईन्‍स्‍यीत, काम खित्‍जीन ईन्‍स्‍यीत ङे ङाराङगी खिता सेम माक्‍याबाते कामराङ खिता फाप्‍कीदुक।

रोमी 7:25

ङाला थोक खाला तेरकान्‍ते परमेश्‍वरराङ ईन। ङुरूङ प्रभु येशू छ्य्‌वापेई ङा थेला जय जय साला धन्‍यवाद सिओ। ङे ङाराङगी खिता थुप्‍च्‍येते कामकामा तासीन ङेते छ्याःङ आश मेत। ङे खिता थुप्‍च्‍येते कामनी खालि परमेश्‍वर नियमला साबा च्‍योकराङ खिता सेम खाला थोक खिता छोल्‍च्‍येतेकामा ईन। ङाराङ परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे पापकामा खिता फाप्‍कीदुक।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

रोमी 9:11

थेबा ङिबोकी लेमुताङ मेलेबा छ्याःङ काम माक्‍याबाला थेबा क्‍या भन्‍दा गोमाराङ परमेश्‍वरगी रिबेकाला “आज्‍योतेकीका न्‍वातेला मान खिता फाप्‍क्‍यो,” सिन साबा ओतान। परमेश्‍वरगी सुइँदाला थे खोरोङ दोन्‍दु स्‍योक सिन छाने खित्‍जीन मिकी खाबाते लेमुताङ मेलेबा काम ताला मेन, थे खोरोङला छाने खिता सेम लाबातेला छाने खिओ सिन तेन्‍दालाराङ थेकी थेबा ङिबो नाङ न्‍वातेला थोक खाईन छाने खाबा ओतान।

रोमी 9:31

लोक्‍ला इस्राएलीओनगीचेन परमेश्‍वरगी खोपरोङला दोषी मेन सिरस्‍यीत सिन स्‍याप स्‍याप खाईन परमेश्‍वर नियमला खि साबा साबा खिता चाल्‍सीनोङ परमेश्‍वरगी थेबाला नोमुङ दोषी मेन सिन मासासुङ।

रोमी 9:32

च्‍यिला सासीन थेबेकी खोपरोङला दोषी मेन सिरच्‍येते परमेश्‍वर काम ईन सिन थेला विश्‍वास माक्‍यासुङ। थोक खिता साटोला बरू थेबेकीचेन परमेश्‍वर नियम ङेन्‍ला धर्म कर्म खालाराङ थे दोन्‍दु थोक्‍ते मि ओङा चाल्‍सुङ। थेबेकी थोक खाबेकी खित्‍सादु येशू ख्रीष्‍टचेन थेबे लाईदु नार्दोक ग्‍याप्‍ला रिल्‍च्‍येते दो च्‍योकराङ ओङसुङ।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।