थे छक्क परे खाबा थोङगीन प्रभु येशूकी थेला “ख्योकोन फरिसी पाटी मिओन खेराङ कचौराताङ देर्मातेबाचेन चोके खिता फाप्क्यो सिन माझे खाला टल्के खित्च्या जोइदुक। तर थे नाङ लुक्ला साच्येते सापचेन ख्योकोनगी खेराङगीकामा सा थुङा ङेत्सीन ओङच्या ओतान सिराच्योक खाईन ज्येनगीते ठ्वाकीन, ज्येनला ठगे खाईन खुलाबाते ईन।
रोमी 2:29 - जिरेल29 परमेश्वरगी छाने खाबाते मि ओङालानी जीउला थे खतकी चिनु जोला मेन, दाक्पोन सेमका लेमु ओङा फाप्क्यो। परमेश्वर नियमला खतकी चिनु जो सिन टिबाते बात ङेन्ला मि सेम लेमु ओङच्येते मेन। परमेश्वर आत्मेकीकामा मि सेम लेमु जोइओ। होदोक्ते मिलाचेन ज्येनगी मान माक्यासीनोङ परमेश्वर थेबाताङ खुशी ओङला थेबाला मान तेरग्यो। အခန်းကိုကြည့်ပါ။ |
रोमी 2:29
27 ပူးပေါင်းရင်းမြစ်များ
थेमे था समयज्यीक ओङगो। सिइ सासीन थे समय वाकीन सिन्दा ओत। आबा परमेश्वरला चुक खाला माने खिता फाप्कीते सिन था परमेश्वर आत्मेकी मिओनला छ्या स्ये च्युत्ला थेला जस्तो खाला माने खिता फाप्च्येते ईन होथोकराङ खाला माने खित ज्युत्क्यो। आबा परमेश्वरगीङ थे खोरोङला होदोक खाला माने खित्कान्ते मिओनराङ छोल्ग्यो।
दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन।
थोगी होथोक्ते ज्येन ज्येन जातकी मिकी ख्योकोनला दोषी ईन सिओ। च्यिला सासीन थेबेकी परमेश्वर नियम ङेता मेत्सीनोङ थेमे खतकी चिनु जोबा मेत्सीनोङ परमेश्वर नियमला खि साबा च्योकराङ खिदुक। तर दोक दोक खि सिन टिबाते परमेश्वर नियम ङेता ओत्सीनोङ थेमे खतकी चिनु जोकान ईन्सीनोङ ख्योकोनचेन थे नियमला खि साबाच्योक खितराङ मिक्किदुक।
तर थाचेन दोक खि, थोक माकेत, दोक माक्यासीन सजाय ङेत्ला स्यिइओ सिरच्येते परमेश्वर नियम लाईदु ङुरूङ स्याप छेतराङ ओङा ओतेकी था ङुरूङ थे नियम अधीनला मेत। परमेश्वरला माने खित्च्या सिन गोमाबा ङुरूङगी थे नियमला खि सिन टिबा च्योकराङ खिता चालाप। परमेश्वर आत्मा ङेता ओतेकी थानी ङुरूङगी परमेश्वरला चुक खाला माने खिता फाप्कीते होथोकराङ खाला माने खिता थुप्क्यो।
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
ङुरूङका परमेश्वरगी छाने खाबाते जीउला खतकी चिनु जोबा ओताते मि च्योक्ते ईन। च्यिला सासीन परमेश्वरला चुक खाला माने खिता फाप्च्येते ईन्दे परमेश्वर आत्मे छ्य्वापेकी ङुरूङ थेला थोकराङ खाला माने खिओ। परमेश्वरला माने खिताला ङुरूङचेन दाक्पोन जीउला खतकी चिनु जोबा ओत थेमे ज्येन ज्येनोङ धर्म कर्म खाबा ओत सिन छ्ये मिक्किओ। बरू येशू ख्रीष्टताङ जीउज्यीकराङ ओङा ओतेकी गा खिओ।
ကြော်ငြာတွေ