रोमी 2:27 - जिरेल27 थोगी होथोक्ते ज्येन ज्येन जातकी मिकी ख्योकोनला दोषी ईन सिओ। च्यिला सासीन थेबेकी परमेश्वर नियम ङेता मेत्सीनोङ थेमे खतकी चिनु जोबा मेत्सीनोङ परमेश्वर नियमला खि साबा च्योकराङ खिदुक। तर दोक दोक खि सिन टिबाते परमेश्वर नियम ङेता ओत्सीनोङ थेमे खतकी चिनु जोकान ईन्सीनोङ ख्योकोनचेन थे नियमला खि साबाच्योक खितराङ मिक्किदुक। အခန်းကိုကြည့်ပါ။ |
रोमी 2:27
20 ပူးပေါင်းရင်းမြစ်များ
थेमे लेमु मेलेबा च्यि ईन्दे सिन छ्याःङ डेला मुथुप्कान्ते मिओनला चुक चुक खिता फाप्कीते सिन लाप्ला तेरकान्ते थेमे परमेश्वर बात लेमु खाला छ्या मेताते मिओनला थे बात लोप्कान्तेङ खेराङराङ ईन खिदुक। च्यिला सासीन परमेश्वर नियम ङेता ओतेकी खेराङगी परमेश्वर सु ईन्दे, चुक्ते ईन्दे थेमे थेकी मिओनला च्यि च्यि खि साबा ओते सिरच्येते सत्यते बात लेमु खाईन छ्या स्येबा ओत खिदुक।
परमेश्वरगी छाने खाबाते मि ओङालानी जीउला थे खतकी चिनु जोला मेन, दाक्पोन सेमका लेमु ओङा फाप्क्यो। परमेश्वर नियमला खतकी चिनु जो सिन टिबाते बात ङेन्ला मि सेम लेमु ओङच्येते मेन। परमेश्वर आत्मेकीकामा मि सेम लेमु जोइओ। होदोक्ते मिलाचेन ज्येनगी मान माक्यासीनोङ परमेश्वर थेबाताङ खुशी ओङला थेबाला मान तेरग्यो।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
बात दोक दोक ईन्देकी ख्योकोन ज्येन ज्येन जातकी मिकी खेराङ गोमा चुक ओताने सिन टोक माज्येत। खोपरोङचेन परमेश्वरगी छाने खाबाते मि ईन सिन जीउला खतकी चिनु जोकान्ते इस्राएलीओनगी ख्योकोनला खोपरोङ च्योक खतकी चिनु मोजोकान्ते मि ईन सिन सिओ। ईन्दानी जीउला जोच्येते थे खतकी चिनु मि खोपरोङगीराङ जोच्येते ईन।
परमेश्वरला विश्वास खितेकी खित्सादु थेकी दुरू दोक ओङस्यीत, थेरू थोक ओङस्यीत सिन सानामेई साबा च्योकराङ खाईन दि सा नाम थेमे सा नाम खाङ ओताते जति गाङे उत्पन्न ओङा ओतान सिन ङुरूङ पत्ते खिओ। दोक खाईन जोबाते थरिङोला मि मिगी थोङच्येते जति गोमा ओतराङ मेत्सीनोङ परमेश्वरगी दुरू दोक ओङस्यीत, थेरू थोक ओङस्यीत साकीन जोबा ओतान।
ကြော်ငြာတွေ