रोमी 2:26 - जिरेल

²⁶ बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 2:26 ပူးပေါင်းရင်းမြစ်များ

मत्ती 15:28

थोक सानामेई थेकी “ङे खोरोङगी साबाच्‍योक पक्‍काराङ खिओ सिन ङाला विश्‍वास खाबेकीराङ ङे खुई खाला नाङ साबाच्‍योक खाबाप। खुई फुमु नाङदुकी ल्‍हन्‍डीक तेन्‍गीन ताङा ओत,” सिन सिदुक। येशूकी थोक सिरासात्तु थे फेम्‍मे मिते फुमुते दाक ठाक्‍पा ओतान।

रोमी 2:25

थेमे जीउला खतकी चिनु जोच्‍येते बात लोक्‍ला चुक सासीन ख्‍योकोनगी परमेश्‍वर नियम ङेन्‍दा ईन्‍सीन परमेश्‍वरगी छाने खाबाते मि ईन सिन ख्‍योकोनगी थे चिनु जोबाते काम लै खित्‍च्‍या ओतान। परमेश्‍वर नियम माङेन्‍नामेकी परमेश्‍वर दोन्‍दु ख्‍योकोननी थे चिनु माजोबाते ज्‍येन ज्‍येन जातकी मि छेतराङ ईन।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

रोमी 3:30

मि गाङेते परमेश्‍वर दोक्‍पोईकामा ओत। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत येशू ख्रीष्‍टला विश्‍वास खित्‍कान गाङेला परमेश्‍वरगी दोषी मेन सिओ।

रोमी 8:4

दोक ओङा ओतेकी थाचेन ङुरूङगी परमेश्‍वर नियमला खि साबातेताङ माकेत साबाते गाङे साबा च्‍योकराङ खिता थुप्‍क्‍यो। था ङुरूङ गोमाबा च्‍योकराङ दाक्‍पोन खुशीला माख्‍यामो। बरू परमेश्‍वर आत्‍मेकी चुक खित ज्‍युता छोल्‍गीका थोकराङ खिओ।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

एफिसी 2:11

बात दोक दोक ईन्‍देकी ख्‍योकोन ज्‍येन ज्‍येन जातकी मिकी खेराङ गोमा चुक ओताने सिन टोक माज्‍येत। खोपरोङचेन परमेश्‍वरगी छाने खाबाते मि ईन सिन जीउला खतकी चिनु जोकान्‍ते इस्राएलीओनगी ख्‍योकोनला खोपरोङ च्‍योक खतकी चिनु मोजोकान्‍ते मि ईन सिन सिओ। ईन्‍दानी जीउला जोच्‍येते थे खतकी चिनु मि खोपरोङगीराङ जोच्‍येते ईन।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।