रोमी 16:6 - जिरेल

⁶ थेमे मरियमलाङ ङेते नमस्‍ते ओत सि। थेकी ख्‍योकोन लाईदु थोई दुक्‍पा खाईन काम खाबा ओताने सिन टोक माज्‍येत।

रोमी 16:6 ပူးပေါင်းရင်းမြစ်များ

मत्ती 27:55

थेरू फेम्‍मे मितेबाङ काल्‍बेई येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबाचेन गालील अञ्‍चल नाङपेकीराङ येशूला गोच्‍येते मद्धत तेरगीन थेत्ताङराङ वाबा ओतान।

मत्ती 5:47

ख्‍योकोनगी दाक्‍पोन मिलाकामा मान खाईन लेमु बात खासीन थे च्‍यि अचम्‍बते बात ईन्‍देरो? दाक्‍पोन मिलाकामा ङिङज्‍ये खित्‍च्‍येतेनी परमेश्‍वरला छ्या मेस्‍येकान्‍ते मिओनगीङ खिओ।

रोमी 16:12

थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

१ थिस्‍सलोनिकी 5:12

थेमे आज्‍यो न्‍वावे, ख्‍योकोनगी खेराङ नाङ खेराङला लेमु ओङस्‍यीत सिन दुक्‍पा खाला खाला लोप्‍कान कोत्‍कानला मान खि। थेबाला थे काम प्रभु येशूकीराङ बिन्‍दाते ईन।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।