रोमी 16:22 - जिरेल

²² आज्‍यो पावलगी ताङाते दि चिट्ठी टिक्‍कान्‍ते ङा तर्तियसतेङ प्रभु येशू ख्रीष्‍ट छ्य्‌वापेई ख्‍योकोन गाङेला नमस्‍ते ओत।

रोमी 16:22 ပူးပေါင်းရင်းမြစ်များ

रोमी 16:8

थेमे प्रभु ख्रीष्‍टताङ जीउज्‍यीकराङ ओङाते ङे ङिङज्‍येते र्‍वा एमप्‍लिआतसलाङ ङेते नमस्‍ते ओत सि।

१ कोरिन्‍थी 16:21

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत।

गलाती 6:11

था दि बातओन ङा ङाराङराङ टिगीन ओत। ङे दुरू दोक जोदातेन्‍दे अक्षरला टिबा थोङनामेई दि बातओन पक्‍काराङ ङेराङ टिबाते दुका सिन ख्‍योकोनगी छ्या स्‍येबा खि।

कलस्‍सी 3:17

ख्‍योकोनगी काम बात जे खासीनोङ प्रभु येशू मिओनगी खिता फापा च्‍योकराङ खाला खि। थेमे प्रभु येशू छ्य्‌वापेई आबा परमेश्‍वरला धन्‍यवाद तेरगीन देत।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

२ थिस्‍सलोनिकी 3:17

था ख्‍योकोनला ङेते नमस्‍ते ओत सिनचेन ङा पावल ङाराङ लाक्‍पेकीराङ टिगीन ओत। दि चिट्ठी ङेराङ ताङाते ईन सिन छ्या स्‍येस्‍यीत सिन ङाराङगी ताङाते जुन चिट्ठीलाङ सिन्‍दे खालाचेन होदोकराङ खाला ङा ङाराङ लाक्‍पेकीराङ टिइओ।

फिलेमोन 1:19

खुईते दिला खइँदा लिन्‍दा फाप्‍च्‍या ओत्‍सीन ङाराङ ज्‍येल्‍ग्‍यो सिन ङा पावल ङाराङराङ टिगीन ओत। ङे खित्‍सादुराङ खुई प्रभु येशूला विश्‍वास खाबाते ईन्‍देकी ङे खोल्‍ला थोई गुन खाबा ओते सिन ङा छ्याःङ मिसिरो।