रोमी 15:32 - जिरेल

³² दोक खाईन जेसुकै काम साबा च्‍योकराङ ओङनामेई गा खिन ङा परमेश्‍वरगी साबा च्‍योकराङ खाला ख्‍योकोन ओत्‍सापा ओङामीन। थेमे ख्‍योकोनताङ ङ्योम्‍बुराङ देत्‍जीन ङाला लेमु ओङगो।

रोमी 15:32 ပူးပေါင်းရင်းမြစ်များ

शक्ति काम 18:21

“दि पालोला ङा देता मुथुबो। परमेश्‍वरगी ङाला याङराङ देपा ताङसीन ङा ख्‍योकोन ओत्‍सापा ओङगो,” सिन पावलचेन पानीजहाजला जेकीन थेरूकीङ गाल्‍सुङ।

शक्ति काम 27:1

थेरूई ङ्योकोनला इटाली लुङबापा तोङच्‍ये टुङ्गो ओङसुङ। थोक ओङनामेई थेपा खेराला पावल थेमे ज्‍येनोङ कोई कोई कैदीला मिल्‍टेरी क्‍याप्‍टेन युलियस सिराते जिम्‍मा लै खासुङ। थे क्‍याप्‍टेनचेन अगस्‍टस सिराते पल्‍टन मि ओतान।

रोमी 15:29

थेपा ख्‍योकोनला ठेता खित ओङजीन ख्रीष्‍टकी छ्य्‌वापेई ङे ख्‍योकोनला आउदी खाला आशी तेरा थुप्‍क्‍यो सिरच्‍येते बात ङाला लेमु खाला छ्या ओत।

१ कोरिन्‍थी 16:18

दिबेकी थोक खाबेकी ङुरूङ गाङेला लेमु ओङसुङ। थोगी ख्‍योकोनगी होदोक्‍ते मिला सधैँ मान खि।

१ कोरिन्‍थी 4:19

प्रभु येशूकी ग्‍युक सिन सासीन था होत्ताराङ ङा ख्‍योकोन ओत्‍सापा ओङगो। थेमे ङा थेपा वाला थेबेकी छ्ये खिन बातकामा खित्‍च्‍येते ईन्‍दाकाना थेबाताङ परमेश्‍वर शक्तिङ ओता ईन्‍दाका सिन लेमु खाला छ्या स्‍येबा खिओ।

२ कोरिन्‍थी 7:13

दोक खाईन ख्‍योकोनगी याङराङ लेमु खिताला स्‍यूबा थोङनामेई ङ्योकोनला आउदी गा लाबा ओत। दि बातलाकामा मेन, तीतसला थेपा ओङजीन ख्‍योकोनगी आउदी लेमु खासुङ थेमे थेला आँट बिन्‍सुङ सिन थे आउदी खाईन गा खाला दुक। ख्‍योकोनगी थेला थोक लेमु खाबेकी खित्‍सादु ङ्योकोनला झन आउदी गा लासुङ।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

फिलेमोन 1:20

खो प्रभु येशू ख्रीष्‍टला विश्‍वास खित्‍कान्‍ते ईन्‍देकी ओर्च्‍ये ङे छ्येत ताला खुई ओनेसिमसला ङे साबा च्‍योकराङ खि। ख्रीष्‍टताङ जीउज्‍यीकराङ ओङाते मिकी खिता फापाच्‍योक खाईन भाइ खुई थोक खासीन ङाला ढुक्‍क ओङगो।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

याकूब 4:15

दाक्‍पोनगी ङा दोक दोक खितामीन सिरा साटोला बरू ख्‍योकोनगी “प्रभु परमेश्‍वरगी ङाला थोकराङ खि सिन सासीन थेमे ङा सोन्‍गीन देत्‍सुङ सासीन दोक दोक खिता फाबोङ,” सिनका सिरा फाप्‍च्‍येते ईन।