रोमी 15:17 - जिरेल

¹⁷ ङे येशू ख्रीष्‍टताङ जीउज्‍यीकराङ ओङगीन परमेश्‍वरगी ङाराङला खि साबाते काम खाबेकी खित्‍सादु ङा गा खिता ङेत्‍क्‍यो।

रोमी 15:17 ပူးပေါင်းရင်းမြစ်များ

रोमी 4:2

च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

२ कोरिन्‍थी 7:4

ख्‍योकोनताङ ङा ङाराङ सेमगी बादोङ खिता थुप्‍क्‍यो। ख्‍योकोन लेमु काम खित्‍कान्‍ते मि ईन सिन सम्‍झे खित्‍जीन ङाला गा लाङगीदुक। ङेराङगी जस्‍तो दुक्‍पा ङेत्‍सीनोङ ङानी गाकी फिरगीन देत्‍क्‍यो।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

हिब्रू 5:1

जो ईन्‍सीनोङ गाङे भन्‍दा छ्येते पूजारीचेन मि नाङदुईराङ छाने खिओ। थेमे थेकीचेन मिओनगी खाबाते पाप माफ नाङ सिन भोग तेरच्‍येतेताङ मिओनगी परमेश्‍वरला चढे खिताला खुलाबातेबा चढे खिता फाप्‍क्‍यो।