रोमी 15:16 - जिरेल16 ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ। အခန်းကိုကြည့်ပါ။ |
रोमी 15:16
40 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
थेबेकी खोपरोङ येशू ख्रीष्ट काम खित्कान्तेबा ईन खिदुक। ङाङ येशू ख्रीष्ट काम खित्कान्तेराङ ईन। ईन्दानी दोक्ते बात खित्च्येते लेम्बे बात च्योक्ते ईन सिन ङाला छ्या ओत। ईन्सीनोङ ङा च्यि सिते सासीन थेबेकी भन्दा ङे खापान खापान ल्हाक्पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।
थोगी ङेराङला जिम्मा बिन्दाते काम खिताला ङ्योकोन ख्रीष्टकी ताङाते मि ईन। मिओनला परमेश्वरताङ डिक्च्येते सेम खि सिन बात खित्कान्ते ङ्योकोन ईन्सीनोङ परमेश्वर थे खोरोङगीराङ ङ्योकोन छ्य्वापेकी मि गाङेताङ दि बात खित्च्येते ईन। ख्रीष्टकी छ्य्वापेई ङ्योकोन ख्योकोनला परमेश्वरताङ डिक्च्येते सेम खि सिन सिओ।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
थेमे सेमला ढुक्क लोङकान्ते परमेश्वरगी ख्योकोनगी मेलेबाते कामताङ बात सिराते छ्याःङ मिक्किस्यीत सिन ख्योकोन सेम खुदुक जोइन देत्स्यीत थेमे ख्योकोन आत्मा, सेम थेमे जीउ जेसुकैला लेमु खाला तेइनराङ देत्स्यीत। दोक खाला था ङुरूङ प्रभु येशू ख्रीष्ट ग्युरला ओङे छोमु ख्योकोन छ्याःङ दोष मेताते मि ओङस्यीत सिन ङ्योकोन प्रार्थना खिओ।
परमेश्वरगी मिओनला थोक खिता छोल्ग्यो सिराला ङा येशू ख्रीष्टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्वास खिता फाप्कीते थेमे ङेन्दा फाप्च्येते सत्यते बात च्यि ईन्दे सिन ज्येन ज्येन जातकी मिला लोप्कान्ते मि ईन।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
परमेश्वरगी जुनी बिन्दाते ख्योकोनोङ दो च्योक्तेराङ ईन। दोक्ते दोई छ्य्वापेई परमेश्वरगी थे खोरोङ आत्मा देत्च्येते मन्दिर जोच्येते ईन्देकी ख्योकोनगी थेला मेङगो मिसिरा खाला थोक खित छ्युत। दोक ओङनामेई ख्योकोनगी परमेश्वरला मन परे खित्च्येतेबा चढे खित्कान्ते पूजारी ओङला थेला मन परे खित्च्येते काम खिता थुप्क्यो। दोकचेन ख्योकोनगी येशू ख्रीष्टकी खाबाते कामगी खित्सादु खिता थुप्क्यो।
ကြော်ငြာတွေ