रोमी 15:14 - जिरेल14 थेमे आज्यो न्वावे, ख्योकोन ङे दोक खि, थोक खि सिन माकोतालाराङ आउदी लेमु खाला काम खिन दुक। थेमे च्यि च्यि चुक खित्च्ये सिन लेमु खाईन छ्या स्येबा ओतेकी खेराङ नाङ दोक्पोईकी ज्येनज्यीकला लोप्कीन दुक। ख्योकोनगी दोक खिन ओताते बात ङाला लेमु खाला छ्या ओत। အခန်းကိုကြည့်ပါ။ |
रोमी 15:14
25 ပူးပေါင်းရင်းမြစ်များ
ङेचेन परमेश्वरगी सिर च्युताते बात खित्च्येते शक्ति ङेता ओत्सीनोङ, परमेश्वरगी गोमा सुङलाङ छ्या स्ये च्युता मेताते बाततेबा गाङे छ्या स्येकान्ते ईन्सीनोङ थेमे परमेश्वरगी चुक खाला काम खिते सिरच्येते बात गाङे छ्या स्येबा ओत्सीनोङ ङे ज्येनला ङिङज्ये माक्यासीन दि बाततेबा छ्या स्येला छ्याःङ काम लै मिक्किओ, ङा छ्याःङ मेन। थेमे परमेश्वरगी जेङ खिता थुप्क्यो सिन थेला विश्वास खाला बोमज्यीकला सरे खाला ग्युक साला थे बोमला समेत सरे खित ज्युता थुप्सीनोङ ङा छ्याःङ मेन।
च्यि सासीन खइँदा ल्हे थानदु पूजा खाबाते स्या सा बेलाला दि ल्हा लु सिराते छ्याःङ मेन सिन छ्या ओताते ख्योकोन सुइँदा थेरू गाल्गीन थे स्या सोसुङ थेमे खेराङगी च्योक खाईन बात लेमु खाईन छ्या स्येबा मेताते खेराङ आज्यो न्वाकी थोङसुङ सासीन थोक्ते स्या सा ओङच्याक्वा सिन थेबेकीङ सेइओ। सोनामेई थेबाला ङे पाप खाबाप सिराच्योक लाङगो।
जे ईन्सीनोङ दि ल्हा लु सिराते छ्याःङ मेन सिन ङुरूङ नाङ गाङेकी लेमु खाईन छ्या स्येबा मेत। गोमाबा ल्हा लु माने खिन ओतेकी थेमे ल्हाला पूजा खाबाते सेइन ओतेकी ल्हाला पूजा खाबाते सोसीन थरिङोलाङ कोई कोईकी हत्तेरिका ङे थे पूजा खाबाते सा ओङच्या मेतान, था ङाला पा फोइओ सिन सिओ। हत्तेरिका ङे दोक्ते स्या सा ओङच्या मेतान सिराच्योक खिओ।
ज्येनला तासीन जे कुरोङ ख्योकोनगी लेमु खिन दुक। च्यि सासीन ख्योकोन प्रभु येशूला लेमु खाला विश्वास खित्कान्ते मि ईन, ज्येनला परमेश्वर बात लेमु खाला लोप्च्येते सीपताङ शक्ति ङेताते मि थेमे परमेश्वरगी छ्या स्ये ज्युत्च्येते बात लेमु खाला छ्या स्येकान्ते मि ख्योकोन नाङ काल्बेई ओत। ख्योकोन लेमु खित्च्ये छ्य्वापा स्येत खित्कान्ते थेमे ङ्योकोनला आउदी खाला ङिङज्ये खित्कान्ते मिङ ईन। ख्योकोन दोक्ते मि ईन्देकी था ज्येनला मद्धत तेराला सिन पैसा जम्मा खित्च्येते दि लेमुते कामोङ ज्येनगी भन्दा लेमु खाईन खासीन लेमु ओङच्या ओतान।
ख्योकोन विषयला खाबाते दि बात ङे थाराङ खाबाते मेन। ङा ङीन नुप ख्योकोनला सम्झे खिनराङ देत्क्यो। ङा दुरू जेलदु देता ओत्सीनोङ थेमे ङाराङगी लोप्च्येते बात सत्यते ईन सिन बेला बेलाला अड्डादु बयान तेरा फाप्सीनोङ परमेश्वर दयेकी खित्सादुराङ ङे दोक दोक खिता थुपा ओत। ङाला दया खित्कान्ते परमेश्वरगी ख्योकोन गाङेलाङ ङाला च्योकराङ खाला दया खिन ओत।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थेमे आज्यो न्वावे, ख्योकोनगी खेराङ नाङ दाक्पोन लाःक खिता ताङला अल्छी खाला देत्कानला थोक माकेत, काम खिता फाप्क्यो सिन सि, ज्यीबा खित्कानला ज्यीबा खिता माफाबो सिन सि, प्रभु येशूला विश्वास खाईन पाको गाला मेतातेबाला पाको ड्वाप्ला मद्धत बिन। थेमे स्येदाङ मिक्किता खाला गाङेताङ खा छ्येत लेमु खाला काम खि।
होदि बाततेबा टोक मेज्येता खाला ङ्योकोन ख्योकोन लाईदु जहिलेङ ङुरूङ परमेश्वरला दोक सिन प्रार्थना खिओ। चुक सासीन थेकी ख्योकोनला थे खोरोङ दोन्दु स्योक सिन काताङाते ईन्देकी ख्योकोन चुक ओङा फाप्च्येते ईन्दे थोकराङ ओङ ज्युत्स्यीत। दोक खाला ख्योकोनगी खिता चालाते लेमुते कामताङ बात थेमे प्रभु येशूला विश्वास खाईन खिताला स्यूबाते कामतेबा गाङे परमेश्वरगी ख्योकोनला थे खोरोङ शक्ति बिन्ला पूरो खित ज्युत्स्यीत सिन प्रार्थना खिओ।
ईन्दानी दि बेलासाकला ख्योकोन ज्येनला परमेश्वर बात लोपा थुप्कान ड्वा फाप्च्येते ईन। थोरूमसाकोङ ख्योकोनलानी परमेश्वर बातला च्यि साबा ओते, थोक साबाते च्यि ईन्दे सिन शुरू शुरूला लोपा फाप्च्येते बातओनका लोपा फाप्कीदुक। ख्योकोनगी परमेश्वर बात खजो खोकीका सिन विचार खासीन ख्योकोननी थोरूमोङ नुमा लुता फाप्च्येते बालकते फिजा च्योकराङ दुक। नामचेन ख्योकोन दाक्पोनगी मुरला साच्येते साप पच्चे खित्कान डुइते?
ကြော်ငြာတွေ