रोमी 14:3 - जिरेल

³ जे सोसीनोङ ओङगो सिन स्‍या साकान्‍ते मिकी स्‍या मास्‍साकान्‍तेला थेनी स्‍या साप्‍ला ज्‍यीबा खिदुक, थे चुक लेम्‍बा ईन्‍दाका सिराच्‍योक खाला छ्ये माकेत। थोकराङ खाला स्‍या मास्‍साकान्‍तेकीङ खो च्‍यिला स्‍या सेइते? खुई दोक खाबातेनी पाप खाबाते ईन सिन मासेर। च्‍यिला सासीन स्‍या साकान्‍तेलाङ परमेश्‍वरगी थे खोरोङ मिराङ ईन सिन साबा ओत।

रोमी 14:3 ပူးပေါင်းရင်းမြစ်များ

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

मत्ती 9:14

थेमे यूहन्‍ने चेलाओनगीङ येशू ओत्‍सादु वाकीन “गुरू, ङ्योकोनबरी बेला बेलाला बर्त देत्‍क्‍यो। फरिसी पाटी मिओनगीङ थोकराङ खिदुक। खुई चेलाओनचेन च्‍यिला बर्त मेदेत्‍का?” सिन ठिसुङ।

लूका 18:9

थेरू कोई कोई ङ्योकोननी परमेश्‍वर नियम ङेन्‍कान्‍ते ईन्‍देकी धर्मतीते मि ईन सिरकानोङ ओतान। थेबेकी ज्‍येनलाचेन खोपरोङ च्‍योक्‍ते ईनराङ मेन सिराच्‍योक खिन ओतान। होथोक्‍ते मिओनला येशूकी दि बात सिराला स्‍यूसुङ।

शक्ति काम 10:34

थेकी दोक सानामेई थेरू जम्‍मा ओङाते मिओनला पत्रुसकी दोक सिन बात खिताला स्‍यूसुङ। चुक सासीन “परमेश्‍वर लाईदु मि गाङे दोक्‍पोईराङ ईन। थेकी सुङलाङ काका पाका मिक्‍किओ।

शक्ति काम 10:44

पत्रुस थोक सिन बात खिनराङ ओतान। थे बात खिन खिनलाराङ थेरू बात ङेन्‍कान्‍ते मि गाङेकी परमेश्‍वर आत्‍मा ङेत्‍सुङ।

शक्ति काम 28:2

थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

रोमी 11:15

परमेश्‍वरगी थेबाला थे खोरोङ मि ईन सिरा ताङनामेई सा लुङबा खाङगी मिला थे खोरोङताङ डिक्‍पा खिता थुप्‍सुङ सासीन थेकी याङराङ थेबाला थे खोरोङ मि ईन सिरजीन च्‍यि झन छ्येज्‍यीक काम मेङगोतरो? थेकी थेबाला दोक खित्‍जीन थेबा स्‍यिसादुकी सोम्‍बो लोक्‍पा छेतराङ ईन।

रोमी 14:1

थेमे ज्‍येनोङ बात च्‍यि सासीन ख्‍योकोन नाङ कोई कोई येशू ख्रीष्‍टला विश्‍वास खाईन पाको गाला मेताते मिओनोङ ओत। थेबाचेन ङे दोक खासीन पा फोइता सिन ज्‍यीबा खिओ। ईन्‍सीनोङ ख्‍योकोन थेबाताङोङ साङ खि। ख्‍योकोन च्‍यिला दोक खाला ज्‍यीबा खिते सिन थेबाताङ टेकाटेउरीचेन माकेत।

रोमी 14:10

बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

रोमी 14:13

थोगी ङुरूङ गाङेकी खुई च्‍यिला थोक खाबे, दोक खाबातेनी पाप ईन सिन साला दोक्‍पोईकी ज्‍येनज्‍यीकला दोष लै खित्‍च्‍येते तोङा फाप्‍क्‍यो। ख्‍योकोनगी खेराङ आज्‍यो न्‍वा च्‍योकराङ ओङाते मिओनला थेबेकी सा मेङगो साबाते साप सोसीन ओङगो साला शंका मालोङ। थेबेकी मास्‍साओ साबाते सो सिन कर लै माकेत।

रोमी 14:15

थोगी जे सोसीनोङ ओङगो सिरकान ख्‍योकोनगी थोक खिता मेङगो सिरकान्‍ते खेराङ आज्‍यो न्‍वाला थेबेकी सा मेङगो साबाते साप सोसीन ओङगो साला दुक्‍पा मातेर। दोक खासीन ख्‍योकोनगी थेबाला ङिङज्‍ये माक्‍याबाते ईन। ख्रीष्‍टचेन होथोक्‍ते मिओन लाईदुङ थे खोरोङ ज्‍यान बिन्‍गीन स्‍याप्‍ते ईन सिरच्‍येते बात ख्‍योकोनगी टोक माज्‍येत। साच्‍या थुङच्‍ये छ्य्‌वापेकी ख्‍योकोनगी थेबाला खोपरोङगी पा फोइता सिन साबाते काम खित च्‍युत्‍ला येशू ख्रीष्‍ट छ्य्‌वापेई ठाल माज्‍युत।

रोमी 14:21

ख्‍योकोनगी स्‍या साजीन कि छ्याङ थुङजीन कि होदोक्‍ते ज्‍येनतोक खइँदा काम खित्‍जीन खेराङ आज्‍यो न्‍वाकी खोपरोङगी मिक्‍किओ साबाते कामराङ खाला पाप खिदुक सासीन ख्‍योकोनगी बरू स्‍या मासोसीन, छ्याङ रक्‍सी माथुसीन थेमे होदोक्‍ते काम छ्याःङ माक्‍यासीन लेमु ईन।

रोमी 15:7

थोगी था ङा ख्‍योकोन गाङेला च्‍यि सिते सासीन ख्रीष्‍टकी खेराङला लेमु खाबा च्‍योकराङ ख्‍योकोनगीङ खेराङ नाङ ङा दोक्‍तेताङ खो थोक्‍ते सिन मिसिरा खाला दोक्‍पोईकी ज्‍येनज्‍यीकला लेमु खि। दोक खित्‍च्‍येतेचेन परमेश्‍वरला मान खाबाते ईन।