रोमी 14:22 - जिरेल22 जे सोसीन थुसीनोङ पा मोफोगो सिन खेराङगी छ्या स्येबाते बात परमेश्वरगीकामा छ्या स्येसीन लेमु ईन। ख्योकोनगी सोकीन थुकीन खानामेई थरिङ ङे थोक खाबाते ठीक खाताकाना माक्याताका सिन विचार खित्जीन ङे थोक खाबाते ठीकराङ ईन सिराच्योक लासुङ सासीन ख्योकोनगी पाप खाबाते मेन। ख्योकोन भाग्यमानी ईन। အခန်းကိုကြည့်ပါ။ |
रोमी 14:22
13 ပူးပေါင်းရင်းမြစ်များ
प्रभु येशूताङ जीउज्यीकराङ ओङाते मि ईन्देकी दि बात ङे लेमु खाईन छ्या स्येबा ओत। च्यि सासीन स्या ईन्सीनोङ ज्येनतोक ईन्सीनोङ सा मेङच्येते सिराते छ्याःङ ओतराङ मेत। मिकी जे सोसीनोङ पा फोक्च्येते मेन। दोक ईन्सीनोङ सुइँदाला दिनी सा मेङगो, दि सोसुङ सासीन पा फोइओ सिराच्योक लाङगीन लाङगीन थोक्ते साप सोसुङ सासीन थेबालाचेन दाक पा फोइओ।
जे ईन्सीनोङ दि ल्हा लु सिराते छ्याःङ मेन सिन ङुरूङ नाङ गाङेकी लेमु खाईन छ्या स्येबा मेत। गोमाबा ल्हा लु माने खिन ओतेकी थेमे ल्हाला पूजा खाबाते सेइन ओतेकी ल्हाला पूजा खाबाते सोसीन थरिङोलाङ कोई कोईकी हत्तेरिका ङे थे पूजा खाबाते सा ओङच्या मेतान, था ङाला पा फोइओ सिन सिओ। हत्तेरिका ङे दोक्ते स्या सा ओङच्या मेतान सिराच्योक खिओ।
थेमे दि बात ङ्योकोन छ्याःङ ज्यीबा मिक्किता खाला सिरा थुप्क्यो। च्यि सासीन ज्येनगी दोन्दु ईन्स्यीत, ख्योकोन दोन्दु ईन्स्यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्योबा खाईन परमेश्वरगी खि साबा च्योकराङ खाईन लेमुते कामताङ साँचोते बातकामा खाबा ओत। ङेराङ स्येतताङ बुद्धिकी खित्सादु ङ्योकोनगी थोक खिता थुपाते मेन। परमेश्वर दयेकी खित्सादुराङ थोक खिता थुपाते ईन।
ကြော်ငြာတွေ