रोमी 14:19 - जिरेल19 बात दोक ईन्देकी ङुरूङगी दाक्पोन नाङ मिडिक्च्येते होदोक्ते बात खिता ताङला डिक्ला थुन्ला देता फाप्क्यो। थेमे चुक खासीन दाक्पोन नाङ लेमु ओङगीका थोकराङ खित्च्ये छ्य्वापाकामा गाङेकी स्येत खिता फाप्क्यो। အခန်းကိုကြည့်ပါ။ |
आज्यो न्वावे, ख्योकोन गाङेराङ जम्मा ओङजीन ख्योकोन कोई परमेश्वरला छ्ये जोच्येते लु लिन्कान्ते, कोई सु सुकी चुक चुक खिता फाप्कीते सिन लोप्कान्ते थेमे कोईचेन परमेश्वरगी खोपरोङला तेन्गीन बिन्दाते तिरी ओङच्येते बात खित्कान्ते मि ओङगो। थोकराङ खाला कोई खोपरोङगी छ्या मास्येबाते खुदुक खुदुकते भाषाला बात खित्कान्ते मि ओङगो सासीन कोईचेन थे भाषाला खाबाते बातकी अर्थ खोले खित्कान ओङगो। ख्योकोनगी जे खासीनोङ येशू ख्रीष्ट मि गाङेला लेमु ओङे लाईदु खि।
ख्योकोन गाङेकी खेराङगी छ्या मास्येबाते खुदुक खुदुकते भाषाला बात खिता थुप्स्यीत सिरच्येते ङे सेम ओत। ईन्सीनोङ दि भन्दा ख्योकोनगीचेन परमेश्वरगी सिर च्युताते बात खित्च्येते शक्ति ङेताते ङाला आउदी लेमु लाङगीदुक। च्यिला सासीन खोपरोङगी छ्या मास्येबाते खुदुक खुदुकते भाषाला बात खित्कान्ते भन्दा परमेश्वरगी सिर च्युताते बात खित्कान्ते मि छ्ये ईन। ईन्दानी खोपरोङगी छ्या मास्येबाते खुदुक खुदुकते भाषाला बात खित्जीन थे बातकी अर्थ ज्येन सुइँदेकी खोले खाईन बिन्सीन थेकी खाबाते बातकीङ येशू ख्रीष्ट मिओनला लेमुराङ ओङगो।
परमेश्वरगी ङुरूङला डिक्ला थुन्ला देत्स्यीत सिन थे खोरोङ दोन्दु स्योक सिन काताङाते ईन। ईन्सीनोङ डिक्ला देता माथुप्ला येशूला विश्वास मिक्किकान्ते फेम्मे मि ख्योबोतेताङ ठाल्गीदुक सासीन थेमे येशूला विश्वास मिक्किकान्ते ख्योओ मिकी फेम्मे तोङगीदुक सासीन थेबेकी थोकराङ खित्स्यीत, थेबाला सुङगीङ छ्याःङ मासेर।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
लो आज्यो न्वावे, था ज्येन बातका च्यि सिरच्ये, ख्योकोनगी परमेश्वरगी खेराङला ज्वा चाला च्योकराङ लेमु मि ओङस्यीत सिन थोक्ते मि ओङच्ये छ्य्वापा स्येत खि। ङे लाःपा कोताते ङेन्ला था चुक खिता फाप्कीका थोककामा खि, ख्योकोन गाङेराङ सेमज्यीकराङ खाला डिक्ला थुन्ला देत। थोक खासीन गाङेला ङिङज्ये खित्कान्ते थेमे डिक्ला थुन्ला देत ज्युत्कान्ते परमेश्वर ख्योकोनताङ ङ्योम्बुराङ देत्क्यो।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
थेमे थेबाला छ्याःङ काम लै मिक्किच्येते कथा थेमे थाङबो थाङबोमे वंशावली बात खाला दिन तोङच्येते माकेत सि। थोक्ते बात खित्जीन खालि टेकाटेउरीकामा स्योरग्यो, नोमुङ डिक्च्येते बात मेङगो। थोक्ते बात खित्कान्ते मिओनगीचेन परमेश्वरगी मिओन नाङ खिता चालाते काम मिक्किओ। येशू ख्रीष्टला लेमु खाला विश्वास खालाकामा परमेश्वरगी खिता चालाते काम खिता थुप्क्यो।
थोगी खुईचेन स्यारातेबाला खिता सेम लाङच्येते दाक्पोन सेमला लाबा लाबाच्योक खित्च्येते मेलेबा काम सिराते नोमुङ माकेत। परमेश्वरगी खि साबा च्योकराङ खि, येशूला विश्वास खिन देत, ज्येनला ङिङज्ये खि थेमे ज्येनतेबाताङ डिक्ला थुन्ला देत। येशू ख्रीष्टला प्रभु सिन सिरकान्ते सेमला छ्याःङ पाप मेताते मिओनताङ खुई होदोककामा खिन देत।