रोमी 14:17 - जिरेल17 दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन। အခန်းကိုကြည့်ပါ။ |
थे तिरी यहूदिया, गालील थेमे सामरिये अञ्चल नाङला ठाउँ ठाउँला जम्मा ओङकान्ते येशू ख्रीष्ट मि गाङेला लेमु ओङसुङ। था थेबाला सुङगीङ दुक्पा तेरगीन मेतान। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन थेबेकी झन झन लेमु खाईन थेला विश्वास खिताला स्यूसुङ। परमेश्वर आत्मेकी थेबाला आँट बिन्सुङ। दोक खाईन थेबा झन झन फेल्गीन ड्वाप्ला स्यूसुङ।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
ख्रीष्टताङ जीउज्यीकराङ ओङनामेई थेकी ख्योकोनला आँट तेरगीन देत्क्यो। थेमे परमेश्वरगी ख्योकोनला ङिङज्ये खित्च्येते ईन्देकी ख्योकोन सेम ढुक्क खाला देता थुप्क्यो। थोकराङ खाला परमेश्वर आत्मेकी खित्सादु ख्योकोन थेत्ताङ ङ्योम्बुराङ डिक्ला देता थुप्क्यो। थेमे ख्योकोनगी खेराङ नाङ पीर फापा ओतातेबाला पीर माकेत सिन सिरच्येते थेमे दुक्पा ङेता ओतातेबाला ताच्येते खिओ। ख्योकोन नाङ बात दोकराङ मेन ओना?
ङुरूङका परमेश्वरगी छाने खाबाते जीउला खतकी चिनु जोबा ओताते मि च्योक्ते ईन। च्यिला सासीन परमेश्वरला चुक खाला माने खिता फाप्च्येते ईन्दे परमेश्वर आत्मे छ्य्वापेकी ङुरूङ थेला थोकराङ खाला माने खिओ। परमेश्वरला माने खिताला ङुरूङचेन दाक्पोन जीउला खतकी चिनु जोबा ओत थेमे ज्येन ज्येनोङ धर्म कर्म खाबा ओत सिन छ्ये मिक्किओ। बरू येशू ख्रीष्टताङ जीउज्यीकराङ ओङा ओतेकी गा खिओ।
थेमे परमेश्वरगी ङाला ख्रीष्टताङ लेमु खाईन डिगीन देताते थोङस्यीत सिनराङ ङे होथे गोमे बाततेबा विचारराङ खिता ताङाते ईन। परमेश्वर नियम ङेन्गीन धर्म कर्म खाबेकी खित्सादु मेन, बरू ङा ख्रीष्टला विश्वास खित्कान्ते मि ईन सिन थाचेन परमेश्वरगी ङाला दोषी मेन सिन सिओ। च्यिला सासीन परमेश्वरगी मिकी खाबाते काम ताला मेन्देकी ख्रीष्टकी खाबाते काम ताला थेला विश्वास खित्कान्ते मिओनला दोषी मेन सिन सिओ।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।