रोमी 12:21 - जिरेल

²¹ खेराङला मेलेबा खित्‍कान्‍तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।

रोमी 12:21 ပူးပေါင်းရင်းမြစ်များ

रोमी 12:20

लोक्‍ला परमेश्‍वर बातलाराङ “खेराङला मेलेबा खित्‍कान्‍ते मि त्‍वाबा तुक्‍पाराङ देता थोङसीन थेबाला साप थुङा बिन। थेबा कोम्‍बा खाबा थोङसीन छ्यु थुङा बिन। दोक खासुङ सासीन बैगुनीलाई गुनले मार्नु पर्छ सिराच्‍योक खाला ख्‍योकोनगी थोक्‍ते मिला खर्के देक ज्‍युत्‍क्‍यो,” सिनोङ साबा ओत। बरू ख्‍योकोनगीचेन परमेश्‍वर बातला साबाच्‍योक होदोकराङ खि।

रोमी 13:1

थोरूमोङ च्‍यि सासीन लुङबाला राज्‍य खित्‍कान्‍ते मि गाङेला परमेश्‍वरगीराङ थोक खित्‍च्‍येते अधिकार बिन्‍दाते ईन्‍देकी ख्‍योकोन गाङेराङ थेबे अधीनला देता फाप्‍क्‍यो। परमेश्‍वरगी थेबाला थोक खित्‍च्‍येते अधिकार माबिन्‍दा ईन्‍सीन थेबा सुङ ज्‍येनला राज्‍य खित्‍कान्‍ते मि ओङा थुप्‍च्‍या मेतान।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।