रोमी 12:14 - जिरेल

¹⁴ थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

रोमी 12:14 ပူးပေါင်းရင်းမြစ်များ

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

लूका 6:28

थेमे सुइँदेकी ख्‍योकोनला मोता खासीन थेलाङ थोकराङ माकेत, बरू थेला आशी बिन। थोकराङ खाला ख्‍योकोनला मेलेबा मि ईन साला दुक्‍पा तेरकान्‍ते मिओनला लेमु ओङस्‍यीत सिन परमेश्‍वरताङ प्रार्थना खि।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

रोमी 12:21

खेराङला मेलेबा खित्‍कान्‍तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

याकूब 3:10

आज्‍यो न्‍वावे, ङुरूङचेन परमेश्‍वरला मान खिन थेते जय जय ओङस्‍यीत सिनोङ सिओ, मिला मोता सरापोङ खिओ। दोक खितानी पटक्‍क सोई मिक्‍किच्‍येते बात ईन।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।