रोमी 12:1 - जिरेल1 थेमे था आज्यो न्वावे, परमेश्वरगी ङुरूङला थोक आउदी खाईन ङिङज्ये खाबा ओतेकी ङा ख्योकोनला दोक खि सिन सिओ। ओर्च्ये ख्योकोनगी खेराङ जीउ परमेश्वरतेराङ ईन सिन साला थेकी साबा साबा च्योकराङ खिओ सिन थेलाराङ सोम्पे खि। थेला मन परे खित्च्येते भोग बिन्दाच्योक ओङस्यीत सिन ख्योकोनगी होदोक खाला खेराङ जीउ थेला सोम्पे खि। थे खोरोङगी साबाच्योक खाला थेला माने खित्च्येतेङ होदोकराङ खाला ईन। အခန်းကိုကြည့်ပါ။ |
रोमी 12:1
49 ပူးပေါင်းရင်းမြစ်များ
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
थेमे आज्यो न्वावे, था ङा ख्योकोनला च्यि खि सिन बिन्ती खिते सासीन ङुरूङ प्रभु येशू ख्रीष्टला विश्वास खित्कान्ते मि ईन्देकी थेमे परमेश्वर आत्मेकी ङुरूङला दोक्पोईकी ज्येनज्यीकला ङिङज्ये खित ज्युत्च्येते ईन्देकी ख्योकोनगी ङे लाईदु आउदी खाला परमेश्वरताङ प्रार्थना खि। ङा ङाराङोङ प्रार्थना खिन ओत।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
दाक्पोन खुशीकीराङ ज्येन मि काम खित गाल्नामेई थे मिकी मालिकतेकी कोताते मिक्किओ सिरा मेङेदो। जे खि सासीनोङ थेकी ङेन्दाराङ फाप्क्यो सिन ख्योकोनला छ्याराङ ओत। होदि बात च्योकराङ ख्योकोनगी पाप खासीन ख्योकोन पापकी योक्पो च्योकराङ ओङला पाप खिन देता फाप्क्यो। दोक खिन देत्नामेई ख्योकोन पापकी सजाय ङेत्ला स्यिइओ। परमेश्वरला दाक्पोन मालिक सिन थेकी साबाते ङेन्सीनचेन थेकी ख्योकोनला सजाय मेतेरा खाला दोषी मेन सिओ।
ख्योकोनगी लेमु खाला खोबा थुप्स्यीत सिन ङे दुरू मालिकताङ योक्पो बात खाबाते ईन। गोमा पापकी योक्पो च्योकराङ ओत्जीन ख्योकोनगी खिता ओङच्या मेङच्या जेसुकै ङोचा लाङच्येते काम थेमे परमेश्वरगी माकेत साबाते ज्येनोङ मेलेबा काम खिन ओतान। थेजीन ख्योकोन बोली, काम, बानी जेङ मेलेबा ओतान। गोमाबा होथोक्ते मेलेबा मेलेबा काम खाबा च्योकराङ थाचेन ख्योकोनगी परमेश्वरगी खि साबा साबा ङेन्ला थेकी खि साबाते खित्च्ये छ्य्वापाकामा स्येत खि। थोक खानामेई ख्योकोनते बोली, काम, बानी गाङे लेमु गाल्ला ख्योकोनगी परमेश्वरला मन परे खित्च्येते कामताङ बात खिओ।
थेमे ज्येन बात कोई कोईकी ङा ख्योकोन दोन्दु ओत्जीनचेन बात खितालाङ ज्यीबा खिन ओतान, थारीला गाल्नामेईचेन ङाराङ ईन सिराच्योक खाला बात खित्च्याक्वा सिन ङे बात खिदुक्लो। था ङा पावल ख्रीष्टकी खाबा च्योकराङ ङाराङ ईन सिराच्योक मिक्किता खाला थेमे स्येदाङ मिक्किता खाला ख्योकोनताङ बात खितामीन।
थोगी ङेराङला जिम्मा बिन्दाते काम खिताला ङ्योकोन ख्रीष्टकी ताङाते मि ईन। मिओनला परमेश्वरताङ डिक्च्येते सेम खि सिन बात खित्कान्ते ङ्योकोन ईन्सीनोङ परमेश्वर थे खोरोङगीराङ ङ्योकोन छ्य्वापेकी मि गाङेताङ दि बात खित्च्येते ईन। ख्रीष्टकी छ्य्वापेई ङ्योकोन ख्योकोनला परमेश्वरताङ डिक्च्येते सेम खि सिन सिओ।
था याङराङ अड्डादु बयान लिन्जीन ङाला सेत्सीनोङ सोम्बोराङ ताङसीनोङ थातासाक खाबा च्योकराङ खाला हत्तेरिका ङे च्यिला थोक खाताका सिराच्योक लाङच्येते कामताङ बात छ्याःङ मिक्किओ सिन टुङ्गो खाबा ओत। दोक खाला ङाराङला जस्तो ओङसीनोङ सुङताङ ज्यीबा मिक्किता खाला ख्रीष्टते जय जय ओङच्येते कामकामा खिता थुप्स्यीत सिन ङे आश खाबा ओत।
आज्यो न्वावे, था ज्येन बात च्यि सासीन परमेश्वरला चुक्ते काम मन परे खिते, ख्योकोनगी चुक खाला देता फाप्कीते सिन ङ्योकोनगी ख्योकोनला लाप्कीन बिन्दा ओत। ङ्योकोनगी लापाच्योक खाला ख्योकोन कामोङ खिनराङ दुक। प्रभु येशूताङ जीउज्यीकराङ ओङाते मि ईन्देकी ङ्योकोन ख्योकोनला थोरूमसाक खिन ओताच्योक खिन देता मातोङ, झन लेमु खाला दोक खिनराङ देत सिन सिओ।
परमेश्वरगी जुनी बिन्दाते ख्योकोनोङ दो च्योक्तेराङ ईन। दोक्ते दोई छ्य्वापेई परमेश्वरगी थे खोरोङ आत्मा देत्च्येते मन्दिर जोच्येते ईन्देकी ख्योकोनगी थेला मेङगो मिसिरा खाला थोक खित छ्युत। दोक ओङनामेई ख्योकोनगी परमेश्वरला मन परे खित्च्येतेबा चढे खित्कान्ते पूजारी ओङला थेला मन परे खित्च्येते काम खिता थुप्क्यो। दोकचेन ख्योकोनगी येशू ख्रीष्टकी खाबाते कामगी खित्सादु खिता थुप्क्यो।
ကြော်ငြာတွေ