रोमी 11:28 - जिरेल

²⁸ गा लाङच्‍येते बात माङेन्‍देकी इस्राएलीओन परमेश्‍वरताङ मिडिक्‍कान्‍ते मि ईन। थेबा थोक खाईन थेत्ताङ माडिक्‍पेकी खित्‍सादु ख्‍योकोन ज्‍येन ज्‍येन जातकी मिकी गा लाङच्‍येते बात ङेन्‍दा ङेताते ईन। थोक ईन्‍सीनोङ थेबे ज्‍युज्‍यु पुर्खा परमेश्‍वरगी छाने खाबाते मि ईन्‍देकी थेकी थेबाला ङिङज्‍ये खिता ताङा मेत।

रोमी 11:28 ပူးပေါင်းရင်းမြစ်များ

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

लूका 1:54

थेकी थे खोरोङगी छाने खाबाते इस्राएलीओनताङ गोमा खाबाते जमान टोक मेज्‍येता खाईन थेबाला लेमु खिनराङ दुक।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 18:6

तर थेरू काल्‍बा च्‍योक्‍ते यहूदीओनगी “खुई लापाते सत्‍यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्‍योकोनगी ङे बात माङेन्‍सुङ। था तिरी परमेश्‍वरगी ख्‍योकोनला सजाय बिन्‍सीन थे खेराङ गल्‍तीकी खित्‍सादु ईन। ङेते छ्याःङ गल्‍ती मेत। थाचेन ङा ख्‍योकोनला ताङला ज्‍येन ज्‍येन जातकी मि ओत्‍साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन

रोमी 11:11

इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

रोमी 11:30

गोमाबा ख्‍योकोनगीङ परमेश्‍वरगी साबाते ङेन्‍गीन मेतान। इस्राएलीओनगी थे खोरोङगी साबाते माङेन्‍नामेकीचेन थेकी ख्‍योकोनला ङिङज्‍ये खाबाते ईन।

रोमी 11:7

थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।