रोमी 11:20 - जिरेल20 ईन्दानी ईन। तर दि बात टोक माज्येत। च्यि सासीन परमेश्वरगी खोपरोङला येशू ख्रीष्ट छ्य्वापेकी लेमु खिओ सिन पत्ते माक्याबेकी थेकी थेबाला थोक खाईन ताङाते ईन। थेमे ख्योकोनगीचेन थे बात पत्ते खाईन थेला विश्वास खिन देतेकी खित्सादुकामा थेबे साटोला थेकी ख्योकोनला थे खोरोङ मि ईन सिरच्येते ईन। थोगी छ्ये मिक्किता खाला बरू ख्योकोन ज्यीबाका खाला देत। အခန်းကိုကြည့်ပါ။ |
रोमी 11:20
43 ပူးပေါင်းရင်းမြစ်များ
तर थेरू काल्बा च्योक्ते यहूदीओनगी “खुई लापाते सत्यते बात ईनराङ मेन,” सिन थे विरोध खासुङ। थोक खानामेई पावलचेन “लो ख्योकोनगी ङे बात माङेन्सुङ। था तिरी परमेश्वरगी ख्योकोनला सजाय बिन्सीन थे खेराङ गल्तीकी खित्सादु ईन। ङेते छ्याःङ गल्ती मेत। थाचेन ङा ख्योकोनला ताङला ज्येन ज्येन जातकी मि ओत्साला डुइओ,” सिन थे खोरोङ खोलाकला खोबाते थाला समेदोङ टाक टाक खाईन
परमेश्वरगी ङाला दया खाईन थे खोरोङ काम खि साबा ओतेकी ङा ख्योकोन गाङेला दि बातओनोङ सिओ। च्यि सासीन खेराङगी च्यि खिता थुप्कीते सिन लेमु खाला विचार मिक्किता खाला ख्योकोन सुङगीङ ङा जेङ खिता थुप्क्यो सिराच्योक खाला छ्ये माकेत। परमेश्वरगी खेराङला च्यि खित्च्येते सीप कि शक्ति बिन्ला दुका ङाला परमेश्वरगी दोस्यिकराङ खि साबाते ईन सिन विश्वास खाला ख्योकोनगी थेकी खि साबा भन्दाङ ल्हाक्पा खिता थुप्क्यो सिराच्योक माकेत।
दोक खाला परमेश्वर सु ईन्दे, चुक्ते ईन्दे सिन मिओनला छ्या स्ये ज्युता फाप्च्येते बातताङ मिडिक्च्येते बात खित्कानताङ जे बादोङ छ्या स्येक्यो सिराच्योक खिन छ्ये खित्कान्ते मिओन बात मेन्दे बात ईन सिन ङ्योकोन थेबे विरोध खिओ। खालि मि विचारकामा ईन्दाते परमेश्वर सु ईन्दे, चुक्ते ईन्दे सिन होथोक्ते मिओनगी सिरच्येते थोक्ते बात गाङे ठीक मेन सिन तेन्ला बिन्ला होथोक्ते बात खित्कानला ख्रीष्टकी खि साबाते बात ङेन सिन सिओ।
ङिङज्येते आज्यो न्वावे, थातासाक ख्योकोनगी ङे लाःपा कोता च्योकराङ खिन वाबा ओत। ङा ङ्योम्बु ओत्जीन खाबा च्योकराङ खाला ङ्योम्बु मेदेत्जीनोङ ङे लाःपा कोताते झन लेमु खाला ङेन्गीन देत। चुक सासीन खेराङ पापदुकी टालाते मि ईन सिराला ख्योकोनगी काम बात जे खासीनोङ परमेश्वरला मन परे मिक्किच्येते छ्याःङ खिता मेङगो सिन ज्यीबा खिन थेला मान खाला लेमुते कामताङ बातकामा खिन देत।
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
परमेश्वर छ्येते शत्रुचेन होथे मिराङ ओङगो। था थेकी वाला चुक खिते सासीन गाङे भन्दा छ्येते थे खोरोङराङ ईन्दाच्योक खाला परमेश्वरला थेमे मिओनगी ल्हा लु सिन माने खिन वाबाते सुङलाङ थेमे छ्याःङलाङ माने खिता मेङगो सिन सिओ। दोस्यिककामा मेन, परमेश्वर मन्दिर नाङ स्यूला थेकी गाङेला थे खोरोङराङ परमेश्वर ईन साला थेरूराङ देत्क्यो।
थेमे थरिङोला छ्युक्पु ओताते मिओनला दोक सिन कोत। थेबाला छ्ये माकेत सि, सम्पत्ति ओत्कीन ओत सिन ढुक्क खाला मादेत सि। थोक्ते सम्पत्तिनी नामसाक दाक्पोन लाःक्तु देत्कीते सिन छ्याःङ छ्या मेङगो। बरू थेबाला परमेश्वरला भर परे खिता लोप सिन सि। थेकीराङ ङुरूङला गोच्येतेबरी दाङच्या ख्योप्च्या खाला बिन्ला गा खिन देत ज्युत्क्यो।
थेमे परमेश्वरताङ प्रार्थना खित्जीन ख्योकोन थेला आबा सिन सिओ। थेकी सुङलाङ काका पाका मिक्किता खाला सुई चुक खाला दुका थे ताला न्याय खिओ। थोगी खेराङ दुरू मि लुङबे मि च्योकराङ ईन सिन सम्झे खाला सोन्ला देत देतसाकराङ ख्योकोनगी परमेश्वरला मन परे मिक्किच्येते छ्याःङ खिता मेङगो सिन ज्यीबा खिन लेमु खिन देत।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
जति थेकी ङा छेतते सु ईन्दे, ङात्ताङ छेत सम्पत्ति सुङताङ मेत सिन छ्ये खिन किम्मु खिन देता ओतान थोस्यिकराङ था थेला सुक देक छ्युत, था थेला नोमुङ सेम सन्तो खाला देत माज्युत। च्यिला सासीन थेकी थे मोरोङ सेमगी नाङ ‘ङानी गेल्मुका ईन, ङा नोमुङ ख्योबो स्याप्ते फेम्मे मि च्योक ओङा माफाबो, दुक्पाताङ पीर सिराते च्यि ईन्दे सिन ङे नोमुङ थोङा माफाबो,’ सिन छ्ये खिदुक।
ख्योकोनचेन ङेल्ला जेसुकै दाङा ख्योपा ओत, ङेल्ला मादाङच्या मोख्योप्च्या सिराते छ्याःङ मेत। ङेल्लानी था छ्याःङ मोगोओ खिदुक। खेराङ दुक्पा ङेताते, थोङजीनोङ ङिङज्ये लाङच्या गालाते, छ्याःङ मेत्कान गालाते, अन्ध गालाते थेमे ताजीनोङ ङोचा लाङच्या पेर्दुङबाराङ गालातेनी ख्योकोनला छ्याराङ मिन्दुक।
ကြော်ငြာတွေ