थे बात थोनामेकीङ च्यि थेबेकी थे बात खोबा मेतान ओना? पक्काराङ खोबा ओतान। गोमानी परमेश्वरगी साबाते बात मोशेकी चुक साला दुका सासीन “थाचेन ङे ज्येन ज्येन लुङबे मिला ङाराङ मि ईन सिन लेमु खाबा थोङला ख्योकोन डारगी स्यिइओ। ख्योकोनगी छ्याःङ मेस्येकान्ते साबाते होथोक्ते मिओनगी ङाला सु ईन्दे, चुक्ते ईन्दे सिन छ्या स्येबा थोङजीन ख्योकोनला स्येदाङगी मे बारग्यो,” सिन साला दुक।
रोमी 11:14 - जिरेल14 च्यिला सासीन ङे ज्येन ज्येन जातकी मि नाङ दि काम खित्जीन परमेश्वरगी थेबालाका लेमु खाबा थोङला ङेराङ जातकी मिओनला स्येदाङ लाङस्यीत। थोक ओङला थेबा दोक्पोई ङिकीकामा ईन्सीनोङ गा लाङच्येते बात ङेन्ला परमेश्वरगी तेरच्येते पापकी सजायदुकी थारस्यीत सिरच्येते ङेते सेम ओत। အခန်းကိုကြည့်ပါ။ |
रोमी 11:14
19 ပူးပေါင်းရင်းမြစ်များ
इस्राएलीओन दोक खाईन परमेश्वरगी साबाते मेङेन्कान गाल्सीनोङ था थेबेकी नोमुङ परमेश्वर छ्य्वापा लै खित्च्येते मौका माङेत्ला पापकी सजाय भोगे खिता फाप्क्यो सिनचेन ङे साबाते मेन। बरू बात चुक ईन्दे सासीन थेबेकी थोक खाईन परमेश्वरगी साबाते माङेन्देकी खित्सादु ज्येन ज्येन जातकी मिकीका परमेश्वरगी खोपरोङला पापकी सजायदुकी डेल्ग्यो सिरच्येते बात छ्या स्येच्येते मौका ङेत्सुङ। थेकी थेबाला दि मौका बिन्दा थोङनामेई इस्राएलीओनला स्येदाङ लाला थेबा थे खोरोङ छ्य्वापा लै खाला आशी ङेत्स्यीत सिनराङ परमेश्वरगी दोक खाबाते ईन।
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
ख्योकोन येशूला विश्वास खित्कान्ते फेम्मे मिकी दाक्पोन ख्योबो खेराङताङ माठाल्सीन थेकीङ येशूला विश्वास खाला पापकी सजायदुकी थारग्यो सिन चुक खाला सिरा थुप्कीते? थोकराङ खाला ख्योओ मिकीङ ङात्ताङ ङ्योम्बु देत्सीन ङे फेम्मेकीङ ङीमाई येशूला विश्वास खाला पापकी सजायदुकी थारग्यो सिन चुक खाला सिरा थुप्कीतेरो?
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
ङुरूङला पापकी सजायदुकी टाल्सुङ। थेकी थोक खाबाते ङुरूङगी थेकी खि साबा साबाच्योक खाबेकी खित्सादु मेन। ङुरूङला आउदी खाला ङिङज्ये खितेकी खित्सादुकामा थेकी थोक खाबाते ईन। थेकी ङुरूङला ठु खाईन चोके खाबाच्योक खाईन परमेश्वर आत्मे छ्य्वापेकी लोईन केर च्युताच्योक खाईन साम्बाते जुनी बिन्गीन खुदुक जोसुङ।
थे नियम मेङेन्कान्तेबेकीनी सजाय ङेता ओतान सासीन परमेश्वरगी मिओनला पापकी सजायदुकी डेल्ग्यो सिरच्येते दोक लेमुते बात माङेन्सीन ङुरूङ चुक खाला सजाय छ्य्वापेई थारगीतेरो? परमेश्वरगी मिला पापकी सजायदुकी डेल्च्येते बात गोमा प्रभु येशूकी लापाते ईन। थेमे थेकी लापाते बात थोकान्तेबेकी थे बात सत्यते ईन सिन ङुरूङला लाप्कीन बिन्दा ओत।
थोक खित ज्युत्कान्ते मिकी दि बात लेमु खाला छ्या स्येबा खि। च्यि सासीन थेकी होथोक्ते मिला मेन्दे बात ङेन्गीन देत मुज्युदो। दोक खाला थेकी थे मिला स्यिला नरककुण्डमा स्यूक्पा फाप्च्येते सजायदुकी थार ज्युत्क्यो। थोक खित्कान्ते मिलाचेन थेकी जतिराङ पाप खाबा ओत्सीनोङ परमेश्वरगी माफ तेरग्यो।
ကြော်ငြာတွေ