रोमी 10:8 - जिरेल

⁸ च्‍यिला सासीन परमेश्‍वर बातला चुक साबा ओते सासीन “परमेश्‍वर बात ख्‍योकोनला बिन्‍दा ओत। थे बात खेराङ खेकीङ सिरा थुप्‍क्‍यो थेमे सेमगी नाङ गुने खिताङ थुप्‍क्‍यो,” सिन साबा ओत। थे खोरोङला विश्‍वास खित्‍कान्‍ते मिओनलाकामा परमेश्‍वरगी दोषी मेन सिओ सिन ङ्योकोनगी मिओनला लोप्‍कीन ओताते बातचेन होदिराङ ईन।

रोमी 10:8 ပူးပေါင်းရင်းမြစ်များ

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 16:31

थेमे थेबेकी “खुई प्रभु येशूला विश्‍वास खि। दोक खासीन खोत्ताङ खुई खाम्‍बे मि गाङेला परमेश्‍वरगी पापकी सजायदुकी डेल्‍ग्‍यो,” सिन सिदुक।

रोमी 10:17

बात चुक ईन्‍दे सासीन सुइँदेकी ख्रीष्‍टकी बात लाप्‍कीन बिन्‍नामेई थे थोला मिओनगी येशू ख्रीष्‍टला विश्‍वास खित्‍च्‍येते ईन।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

गलाती 3:5

थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?

एफिसी 5:26

थेकी थोक खाबातेचेन थेबा परमेश्‍वरला मन परे खित्‍च्‍येते मि ओङस्‍यीत सिनराङ ईन। दोक ओङाला छ्युला लुक्‍ला बप्‍तिस्‍मा तेरजीन थेमे थेजीन लापाते परमेश्‍वर बातकी छ्य्‌वापेई थेकी थेबाला पापदुकी टाल्‍गीन बिन्‍सुङ।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

१ पत्रुस 1:23

परमेश्‍वरगी ख्‍योकोनला लोक्‍ला केर ज्‍युताच्‍योक खाईन साम्‍बाते जुनी बिन्‍दा ओत। दि काम थेकी थे खोरोङ बातकी छ्य्‌वापेई खाबाते ईन। पालोई स्‍यिला डोच्‍येते मि छ्य्‌वापेई फिजा केबाच्‍योक मेन्‍देकी नोमुङ फरक परे मिक्‍किच्‍येते थे खोरोङ बातकी छ्य्‌वापेई परमेश्‍वरगी ख्‍योकोनला दि साम्‍बाते जुनी बिन्‍दाते ईन। थे खोरोङ बातकी छ्य्‌वापेई परमेश्‍वरगी मि नाङ काम खिओ, परमेश्‍वर बातला जे साला दुक थे पक्‍काराङ ओङगो।

१ पत्रुस 1:25

तर प्रभु परमेश्‍वर बातचेन नोमुङ फरक परे मिक्‍किओ,” सिन साला दुक। ख्‍योकोनला लाप्‍कीन बिन्‍दाते गा लाङच्‍येते बादोङ होदि परमेश्‍वर बातराङ ईन।