रोमी 10:19 - जिरेल

¹⁹ थे बात थोनामेकीङ च्‍यि थेबेकी थे बात खोबा मेतान ओना? पक्‍काराङ खोबा ओतान। गोमानी परमेश्‍वरगी साबाते बात मोशेकी चुक साला दुका सासीन “थाचेन ङे ज्‍येन ज्‍येन लुङबे मिला ङाराङ मि ईन सिन लेमु खाबा थोङला ख्‍योकोन डारगी स्‍यिइओ। ख्‍योकोनगी छ्याःङ मेस्‍येकान्‍ते साबाते होथोक्‍ते मिओनगी ङाला सु ईन्‍दे, चुक्‍ते ईन्‍दे सिन छ्या स्‍येबा थोङजीन ख्‍योकोनला स्‍येदाङगी मे बारग्‍यो,” सिन साला दुक।

रोमी 10:19 ပူးပေါင်းရင်းမြစ်များ

रोमी 10:18

बात थोक ईन्‍सीन च्‍यि इस्राएलीओनगी थे बात थोबाराङ मेतान ओना? थोक मेन, पक्‍काराङ थोबा ओतान। परमेश्‍वर बातला चुक साबा ओते सासीन “थेबेकी लापाते बात सा लुङबा खाङ मिकीराङ थोसुङ। थे बात फैले माक्‍याबाते ठाउँ सिराते खापाङ मेत,” सिन साबा ओत।

रोमी 11:11

इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

रोमी 11:14

च्‍यिला सासीन ङे ज्‍येन ज्‍येन जातकी मि नाङ दि काम खित्‍जीन परमेश्‍वरगी थेबालाका लेमु खाबा थोङला ङेराङ जातकी मिओनला स्‍येदाङ लाङस्‍यीत। थोक ओङला थेबा दोक्‍पोई ङिकीकामा ईन्‍सीनोङ गा लाङच्‍येते बात ङेन्‍ला परमेश्‍वरगी तेरच्‍येते पापकी सजायदुकी थारस्‍यीत सिरच्‍येते ङेते सेम ओत।

रोमी 3:26

थोकराङ खाईन थरिङोला येशूला विश्‍वास खित्‍कान्‍ते मिओन पाप माफ बिन्‍ला थेबा दोषी मेन सिरजीनोङ थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

१ कोरिन्‍थी 11:22

च्‍यि ख्‍योकोनते साप थुङाला खेराङ खेराङ खाम्‍बा मेत? थेमे च्‍यि परमेश्‍वर मिओनला मेलेबा लोङालाराङ खेराङ नाङ छ्याःङ मेतातेबाला तुक्‍पा ज्‍याक्‍ला ङोचा लोङगो? ख्‍योकोनगी थोक खाबाते ठीक मेन। ङा ख्‍योकोनगी लेमु खाबाते ईन सिन मिसिरो।

१ कोरिन्‍थी 12:2

ख्‍योकोनला दि बात लेमुराङ खाला छ्या ओतासीन। च्‍यि सासीन येशूला विश्‍वास खिता भन्‍दा गोमा ख्‍योकोन ल्‍हा लु माने खिन ओतान। थे ल्‍हा लुओनगी ख्‍योकोनताङ बात खिता थेमे छ्याःङ लेमु खिता मुथुप्‍च्‍येते ईन्‍सीनोङ दिबाला माने माक्‍याबाला मेङगो सिराच्‍योक खाला ख्‍योकोन होथेबालाराङ माने खिन ओतान।

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

१ कोरिन्‍थी 7:29

आज्‍यो न्‍वावे, दि जुग सिन्‍च्‍येते समय था काल्‍बेई मेत। थोगी फाङमा खाबाते मिकी फेम्‍मेते विचारकामा मिक्‍किता खाला बरू फाङमाराङ खाबा मेताते मि च्‍योक ओङला परमेश्‍वरगी दाक्‍पोनला कोताते काम खि।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।