रोमी 10:14 - जिरेल

¹⁴ थोक ईन्‍सीनोङ प्रभु येशू ख्रीष्‍टला विश्‍वासराङ माक्‍याबाला सुङगीङ थे छ्य्‌वापा लै खाला थेत्ताङ मद्धत नाङ सिरा मुथुबो। थोकराङ खाला थे सु ईन्‍दे, चुक्‍ते ईन्‍दे सिन थे बात थोराङ माथोबाला सुङगीङ थेला विश्‍वास खिताराङ मुथुबो। थोगी थे बात थोबाला सुइँदा लाप्‍ला तेरकान्‍ते मि गोसुङ मेन?

रोमी 10:14 ပူးပေါင်းရင်းမြစ်များ

मत्ती 20:7

थोक सिरजीन थेबेकी ‘खै ङ्योकोनगीनी थरिङ छ्याःङ कामराङ माङेत्‍सुङ,’ सिन सिरजीन थेकी ‘लो थोक सासीन ख्‍योकोनबरीङ ङे स्‍यीङला काम खिताला ग्‍युक,’ सिन स्‍यीङदु ताङदुक्‍लो।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 9:36

थेकी “थे सु ईन्‍दे हजूर? थे मि ङाला तेन्‍ला नाङना। थेमे ङा थेला विश्‍वास खिओ,” सिन सिदुक।

शक्ति काम 19:2

थेमे थेकी थेबाला “ख्‍योकोनगी येशूला विश्‍वास खानामेई परमेश्‍वर आत्‍मा ङेत्‍सुङाना माङेत्‍सुङा?” सिन ठिजीन थेबेकी “परमेश्‍वर आत्‍मा ओत सिरच्‍येते बातनी ङ्योकोनगी थरिङकामा थोसुङ। थे बातनी थातासाक थोबाङ मेतान,” सिन सिदुक।

शक्ति काम 8:31

थेमे थे मिकी “अहँ, ङेनी मोखोदुक। सुइँदेकी लाप्‍कीन बिन्‍दा ईन्‍सीन खोच्‍या ओतान,” साकीन फिलिपलाङ थे खादुराङ स्‍योक सिन बग्‍गी लाक जेत्‍सुङ।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

एफिसी 2:17

येशू ख्रीष्‍टकी देमा वाकीन गोमा परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओताते ख्‍योकोन थेमे परमेश्‍वरगी छाने खाबाते ङ्योकोन इस्राएली ङुरूङ गाङेला थोक खाईन डिक्‍पा खाबाते बात छ्या स्‍ये च्‍युत्‍कीन बिन्‍सुङ।

एफिसी 4:21

ख्रीष्‍ट सु ईन्‍दे सिन लापाते बात ख्‍योकोनगी थोबा ओत मेन? थे बात लोप्‍जीन येशूकी खाबातेताङ साबाते सत्‍यते बात ख्‍योकोनला लापा ओतान।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

याकूब 5:15

थे मि ठाइओतराङ सिन थेला विश्‍वास खाईन प्रार्थना खानामेई प्रभु परमेश्‍वरगी थे मिला ठाक ज्‍युत्‍क्‍यो। थे मिकी खइँदा पापराङ खाबा ओत्‍सीनोङ थेकी थेला माफ तेरग्‍यो।