रोमी 1:17 - जिरेल

¹⁷ च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 1:17 ပူးပေါင်းရင်းမြစ်များ

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 3:21

बात दोक ईन्‍सीनोङ थाचेन परमेश्‍वर नियम बात मिक्‍किता खालाराङ परमेश्‍वरगी चुक खाला मिओनला दोषी मेन सिते सिरच्‍येते बात छ्या स्‍ये च्‍युत्‍कीन बिन्‍दा ओत। थेकी मिओनला चुक खाला थोक्‍ते मि ईन सिते सिरच्‍येते बातचेन परमेश्‍वर नियमला थेमे परमेश्‍वर बात खित्‍कान्‍ते मिओनगी टिबाते बातलाङ साबा ओतान।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।

२ कोरिन्‍थी 3:9

परमेश्‍वर दोन्‍दु मि दोषी ईन सिन छ्या स्‍येच्‍येते नियम तेरजीननी परमेश्‍वरते चुक छ्येज्‍यीक शक्ति ओता ईन्‍दाका सिन थोङा ओतान सासीन थेकी मिओनला दोषी मेन सिन सानामेई थेत्ताङ चुक छ्येज्‍यीक शक्ति ओता ईन्‍दाका सिन झन लेमु खाला छ्या स्‍येक्‍यो।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:11

परमेश्‍वर नियमला खि साबाते ङेन्‍लाचेन सुङलाङ परमेश्‍वरगी दोषी मेन मिसिरो। च्‍यिला सासीन परमेश्‍वर बातला चुक सिन टिबा ओते सासीन “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

हिब्रू 10:38

ङे खि साबा च्‍योकराङ खिन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थोक खिता तोङकान्‍ते मिचेन ङाला गा मालाङो,” सिन टिला दुक।