रोमी 1:13 - जिरेल13 आज्यो न्वावे, पालोताङ पालो ङा ख्योकोन ओत्सापा ओङा चालाप। ङे ढाँर खाबाते मेन। तर जति खासीनोङ थोरूमसाक ङा थेपा ओङा माथुप्सुङ। ज्येन ठाउँकी ज्येन ज्येन जातकी मि नाङ च्योकराङ खाला थेपाङ गा लाङच्येते बात लोपा ङेत्सीन मिओनगी येशूला विश्वास खित्च्या ओतान सिन ङा ख्योकोन ओत्सापा ओङा चालाते ईन। အခန်းကိုကြည့်ပါ။ |
रोमी 1:13
38 ပူးပေါင်းရင်းမြစ်များ
बाली थोक्कान रूक्कान्ते मिकी थाल्लेई थाल्ला थे बनी ङेत्च्या दुक। च्यि सासीन बाली थोक्पा रूक्पाच्योक खाला थे मिकी थाल्लेई थाल्ला ज्येनला नोमुङ मिसिन्च्येते जुनी ङेत्च्येते लाम तेन्ला तेरा थुप्च्या दुक। दोक खाला बाली लै खित्कान्तेङ बाली थोक्कान रूक्कान्तेङ ङिकाराङ गा खिता ङेत्क्यो।
थेमे याङराङ आज्यो न्वावे, परमेश्वरगी इस्राएलीओनला चुक चुक खिते सिरच्येते बात ख्योकोनगी छ्या स्येस्यीत सिन ङा दि बातज्यीक सिरामीन। दि बात ख्योकोनगी खेराङ बुद्धि खिये खाला छ्या स्येबा मुथुबो। थेकी गोमा सुङलाङ छ्या स्ये च्युता मेताते बात च्यि ईन्दे सासीन काल्बा च्योक इस्राएलीकी परमेश्वरगी साबाते पटक्क ङेन्च्ये सेम माक्यासीनोङ थेबा तिरीसाक दोकराङ खिन मेदेदो। परमेश्वरगी ज्येन ज्येन जातकी मि नाङदुकी थे खोरोङला विश्वास खिओ साबाते मि जति थे खोरोङ छ्य्वापा लै खाईन मासिनथुपकामा थेबा दोक खिन देत्क्यो।
आज्यो न्वावे, ख्योकोन गाङेराङ जम्मा ओङजीन ख्योकोन कोई परमेश्वरला छ्ये जोच्येते लु लिन्कान्ते, कोई सु सुकी चुक चुक खिता फाप्कीते सिन लोप्कान्ते थेमे कोईचेन परमेश्वरगी खोपरोङला तेन्गीन बिन्दाते तिरी ओङच्येते बात खित्कान्ते मि ओङगो। थोकराङ खाला कोई खोपरोङगी छ्या मास्येबाते खुदुक खुदुकते भाषाला बात खित्कान्ते मि ओङगो सासीन कोईचेन थे भाषाला खाबाते बातकी अर्थ खोले खित्कान ओङगो। ख्योकोनगी जे खासीनोङ येशू ख्रीष्ट मि गाङेला लेमु ओङे लाईदु खि।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
प्रभु येशू मिकी चुक खिता फाप्कीते सिन छ्या स्येला ख्योकोनगी थोकराङ खित्स्यीत, काम बात जे खासीनोङ थेला मन परे मिक्किच्येते सिराते छ्याःङ मिक्किस्यीत बरू झन झन लेमुते कामकामा खित्स्यीत थेमे परमेश्वर सु ईन्दे, चुक्ते ईन्दे सिन झन लेमु खाला छ्या स्येस्यीत सिन ङ्योकोन दोक खाला प्रार्थना खिओ।
थेमे आज्यो न्वावे, ज्येन बात च्यि सासीन ख्योकोन नाङ स्यिइन सिन्दाते मिओनला था तिरी च्यि ओङगीते सिन ख्योकोनगी लेमु खाला छ्या स्येस्यीत सिन ङ्योकोन दि बात खिन ओत। थेबाला चुक ओङगीते सिन छ्या स्येनामेकी ख्योकोनगीचेन स्वर्गने ड्वा ङेत्कीता मेङेत्ता सिन छ्याःङ आश मेताते मिओनगी खोपरोङते स्यिइन सिन्दाते मिओन लाईदु पीर खाबाच्योक खाला पीर खिता माफाबो।
ကြော်ငြာတွေ