रोमी 1:11 - जिरेल11 ङाला ख्योकोनला ठेता आउदी सेम ओत। दोक खाईन ङुरूङ ठेता ङेत्सीन परमेश्वर आत्मेकी तेरच्येते सीपताङ शक्ति ख्योकोनगीङ ङेत्स्यीत सिन लाप्ला तेरा थुप्च्या ओतान। दोक खाईन ख्योकोनगीङ थोक्ते सीपताङ शक्ति ङेत्नामेई प्रभु येशूला झन लेमु खाला विश्वास खिता थुप्च्या ओतान। အခန်းကိုကြည့်ပါ။ |
रोमी 1:11
32 ပူးပေါင်းရင်းမြစ်များ
थेमे परमेश्वरगीराङ ख्योकोनला शक्ति तेरच्येते ईन्देकी ख्योकोनगी येशू ख्रीष्टला विश्वास खिन देता थुप्क्यो। परमेश्वरगी खित्सादु दोक खिन देता थुप्क्यो सिन येशू ख्रीष्ट सु ईन्दे, चुक्ते ईन्दे सिन ङे लोप्कीन ओताते गा लाङच्येते बातला साबा ओत। दि जुग शुरू ओङा भन्दा गोमामेईराङ परमेश्वरगी सुङलाङ छ्या स्ये च्युता मेताते दि गा लाङच्येते बात
च्यिला सासीन सुइँदेकी वाकीन ङ्योकोनगी लापाते च्योक्ते मेन्देकी ज्येनज्यीकराङ येशू बात लाप्सीनोङ ख्योकोनगी थे आउदी लेमु खाला ङेन्च्याक्वा। थेमे थेबेकी खेराङला ङेता फाप्क्यो साबाते आत्मा ख्योकोन ङेता छोल्च्याक्वा। थे आत्माचेन ख्योकोनगी ङेता ओताते परमेश्वर आत्मा मेन। थोकराङ खाला ङ्योकोनगी ख्योकोनला लाप्कीन बिन्दा ओताते च्योक्ते मेन्देकी खुदुकज्यीकराङ गा लाङच्येते बात लाप्सीन ख्योकोनगी होथोक्ते बातराङ ङेन्च्याक्वा।
ङुरूङ न्वा तिमोथीला ख्योकोन ओत्सापा ताङा ओतान। तिमोथीङ ङ्योकोनताङराङ परमेश्वर काम खिन मिओनला ख्रीष्टते गा लाङच्येते बात लोप्कान्ते मिराङ ईन सिन ख्योकोनला सिरा माफाप्तासीन। ज्येनगी दुक्पा तेरजीन ख्योकोन सुङगीङ प्रभु येशूला विश्वास खिता तोङा मेङगो, बरू जति दुक्पा ओङसीनोङ सेम मेसेता खाला थेला विश्वास खिनराङ देता फाप्क्यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्वास खाबेकी खित्सादु ङुरूङगी दुक्पा भोगे खिता फाप्क्यो सिन ख्योकोनला लेमु खाला छ्याराङ ओत।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
दि चिट्ठी ङे सिल्वानसला टिक च्युताते ईन। सिल्वानसचेन खिओ साबा च्योकराङ खित्कान्ते मि ईन। दि ङेते ङाराङ न्वा च्योकराङ ईन। जति दुक्पा ओङजीनोङ ख्योकोन सेम मेसेता खाला देत्स्यीत सिन आँट तेराला थेमे परमेश्वरगी पक्काराङ दया खिओ सिन ख्योकोनगी लेमु खाला छ्या स्येस्यीत सिन ङे थुम्मी खाईन दि चिट्ठी टिबाते ईन। परमेश्वरगी खेराङला दया खिनराङ देत्स्यीत सिन थेला माने खिन देता मातोङ।
ကြော်ငြာတွေ