छ्या स्‍ये च्‍युताते बात 21:12 - जिरेल

¹² थे सारगी फेरोला फेरो खिरी आउदी जोदाईताङ थोम्‍बोज्‍यीक गारो चिबा ओतान। थे गारोला गो च्‍युन्‍ङी थेन्‍दा ओतान। थेमे थे गो रेरेला परमेश्‍वर दूत रेरे पाले देता ओतान। थे गो च्‍युन्‍ङी लाक्‍तु इस्राएलीओन थर च्‍युन्‍ङी मिन टिबा ओतान।

छ्या स्‍ये च्‍युताते बात 21:12 ပူးပေါင်းရင်းမြစ်များ

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 16:22

थोक खिन खिन तिरी लाजरस स्‍यिदुक्‍लो। थेमे परमेश्‍वर दूतओनगी स्‍वर्गने खेरगीन थेला अब्राहाम खादु ज्‍याक्‍तुक्‍लो। थे तिरी थे छ्युक्‍पुते मिङ स्‍यिदुक्‍लो। थेमे खोपरोङ मिकी थेला सासगास खादुक्‍लो।

शक्ति काम 26:7

परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

छ्या स्‍ये च्‍युताते बात 21:13

थे गोओनचेन पूर्व, पश्‍चिम, उत्तर, दक्षिण सुर रेरेला सुम सुम सुम सुम थेन्‍दा ओतान।

छ्या स्‍ये च्‍युताते बात 21:15

ङात्ताङ बात खित्‍कान्‍ते दूतकी लाःक्‍तु थे सारताङ थे गो थेमे सारगी गारो थाप्‍च्‍येते सेरगी डन्‍डी ओतान।

छ्या स्‍ये च्‍युताते बात 21:25

थे सारगी गारो गोतेबा नोमुङ मेच्‍येदो। च्‍यिला सासीन नुप सिराते थेरू ओङराङ मेङगो।

छ्या स्‍ये च्‍युताते बात 22:14

दाक्‍पोन खोलाक टुला सफा जोला ज्‍य्‌वाकान्‍ते मिओन भाग्‍यमानी ईन। थोक खानामेई थेबेकी नोमुङ मिसिन्‍च्‍येते जुनी ङेत्‍च्‍येते दोङबो फलफूल सा ङेत्‍क्‍यो। थेबा थे सारगी गोनेकी खाला थे नाङ स्‍यूक्‍पा ङेत्‍क्‍यो।