फिलेमोन 1:5 - जिरेल

⁵ च्‍यिला सासीन प्रभु येशूला खुई लेमु खाला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिन ङे थोसुङ।

फिलेमोन 1:5 ပူးပေါင်းရင်းမြစ်များ

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

१ कोरिन्‍थी 16:1

थेमे ज्‍येन बात यरूशलेमदु परमेश्‍वर मिओनला तेराला पैसा जम्‍मा खित्‍जीन ख्‍योकोनगीङ ङे गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनला साबा च्‍योकराङ खाला जम्‍मा खि।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 1:15

बात दोक दोक ईन्‍देकी ख्‍योकोनगी प्रभु येशूला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिरा थोबा छुरनामेई परमेश्‍वरला प्रार्थना खित्‍जीन

कलस्‍सी 1:4

च्‍यिला सासीन ख्‍योकोनगी येशू ख्रीष्‍टला विश्‍वास खिदुक्‍लो थेमे परमेश्‍वर सन्‍तान गाङेला लेमु खिदुक्‍लो सिन ङ्योकोनगी थोसुङ।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

१ यूहन्‍ना 3:23

थेकी खि सिन कोतातेचेन थे खोरोङ फुज्‍युङ येशू ख्रीष्‍टला विश्‍वास खित्‍च्‍येते थेमे येशू ख्रीष्‍टकी खि साबाच्‍योक खाला दोक्‍पोईकी ज्‍येनज्‍यीकला ङिङज्‍ये खित्‍च्‍येतेराङ ईन।