फिलेमोन 1:23 - जिरेल

²³ येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

फिलेमोन 1:23 ပူးပေါင်းရင်းမြစ်များ

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

फिलेमोन 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। येशू ख्रीष्‍टकी खि साबाते काम खिन ओतेकी ङा जेलदु देता ओत। ङ्योकोन दि चिट्ठी ङेत्ताङ डिक्‍ला गा लाङच्‍येते बात लोप्‍कान्‍ते ङिङज्‍येते र्‍वा फिलेमोन खोल्‍ला टिगीन ओत।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।