फिलेमोन 1:20 - जिरेल

²⁰ खो प्रभु येशू ख्रीष्‍टला विश्‍वास खित्‍कान्‍ते ईन्‍देकी ओर्च्‍ये ङे छ्येत ताला खुई ओनेसिमसला ङे साबा च्‍योकराङ खि। ख्रीष्‍टताङ जीउज्‍यीकराङ ओङाते मिकी खिता फापाच्‍योक खाईन भाइ खुई थोक खासीन ङाला ढुक्‍क ओङगो।

फिलेमोन 1:20 ပူးပေါင်းရင်းမြစ်များ

१ कोरिन्‍थी 16:18

दिबेकी थोक खाबेकी ङुरूङ गाङेला लेमु ओङसुङ। थोगी ख्‍योकोनगी होदोक्‍ते मिला सधैँ मान खि।

२ कोरिन्‍थी 2:2

ङे ख्‍योकोन सेमला फोक्‍च्‍या खाईन थाप्‍सीन ङारसीन सुई ङाला मन परे खित्‍च्‍येते काम खितेरो? थोक्‍ते काम खित्‍कान्‍ते ख्‍योकोनकामा ईन।

२ कोरिन्‍थी 7:13

दोक खाईन ख्‍योकोनगी याङराङ लेमु खिताला स्‍यूबा थोङनामेई ङ्योकोनला आउदी गा लाबा ओत। दि बातलाकामा मेन, तीतसला थेपा ओङजीन ख्‍योकोनगी आउदी लेमु खासुङ थेमे थेला आँट बिन्‍सुङ सिन थे आउदी खाईन गा खाला दुक। ख्‍योकोनगी थेला थोक लेमु खाबेकी खित्‍सादु ङ्योकोनला झन आउदी गा लासुङ।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

फिलेमोन 1:12

था ङा दिला खो ओत्‍सापा ग्‍युरला तोङगीन ओत। ङाराङला भन्‍दाङ दिला ङाला काल्‍बेई ङिङज्‍ये लाङगीदुक।

फिलेमोन 1:7

खुई थोक खाईन परमेश्‍वर सन्‍तानला ङिङज्‍ये खाबेकी थेबा आउदी खुशी ओङला दुक। दि बातकी खित्‍सादु ङालाङ फामगी सामा सोबा च्‍योकराङ ओङगीन आउदी गा लाबा ओत।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

३ यूहन्‍ना 1:4

ङाराङ फिजाओनगी सत्‍यते बात ङेन्‍ला थेरू खि साबा च्‍योकराङ खिदुक्‍लो सिन थोजीन ङाला आउदी गा लाङगीदुक, दि छेत गा लाङच्‍येते बात ङे लाईदु ज्‍येन छ्याःङ मेन।