फिलेमोन 1:19 - जिरेल

¹⁹ खुईते दिला खइँदा लिन्‍दा फाप्‍च्‍या ओत्‍सीन ङाराङ ज्‍येल्‍ग्‍यो सिन ङा पावल ङाराङराङ टिगीन ओत। ङे खित्‍सादुराङ खुई प्रभु येशूला विश्‍वास खाबाते ईन्‍देकी ङे खोल्‍ला थोई गुन खाबा ओते सिन ङा छ्याःङ मिसिरो।

फिलेमोन 1:19 ပူးပေါင်းရင်းမြစ်များ

रोमी 16:22

आज्‍यो पावलगी ताङाते दि चिट्ठी टिक्‍कान्‍ते ङा तर्तियसतेङ प्रभु येशू ख्रीष्‍ट छ्य्‌वापेई ख्‍योकोन गाङेला नमस्‍ते ओत।

१ कोरिन्‍थी 4:15

ख्‍योकोनला दोक खि, थोक माकेत सिन ख्रीष्‍टकी बात लोप्‍कान्‍ते हजार च्‍युताम्‍बा मि ओत्‍सीनोङ थेबा ख्‍योकोन आबा मेन। ङे ख्‍योकोनला गा लाङच्‍येते बात लाप्‍कीन बिन्‍गीन ख्‍योकोन येशू ख्रीष्‍टताङ जीउज्‍यीकराङ ओङाते ईन्‍देकी ङाराङ ख्‍योकोन आबा ईन।

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 3:2

ङ्योकोनतेनी ङेराङ सेमगी नाङराङ टिबा ओताते थेमे मि गाङेकी ख्‍योकोनला ताला ङेराङ चुक्‍ते मि ईन्‍दाका सिन छ्या स्‍येच्‍येते चिट्ठी च्‍योक्‍ते ख्‍योकोनराङ ईन।

२ कोरिन्‍थी 9:4

ङात्ताङ थेपा म्‍यासिडोनिये मिओन ओङजीन ख्‍योकोनगी थे पैसा जम्‍मा खाईन ज्‍याक्‍पा मेत्‍सीन ङ्योकोनला चुक ङोचा लेबोङा। ख्‍योकोनतेनी झन ङोचेकी छ्येत तेन्‍च्‍ये लामोङ मेदेदो।

गलाती 5:2

दि बात लेमु खाला नामज्‍योक सेत्‍ला ङेन। ङा पावल ख्‍योकोनला च्‍यि सिते सासीन ख्‍योकोनगी थे नियमला साबाते ङेन्‍गीन जीउला खतकी चिनु जोसुङ सासीन ख्रीष्‍टकी खाबाते काम ख्‍योकोन लाईदु छ्याःङ काम लै मिक्‍किओ।

गलाती 6:11

था दि बातओन ङा ङाराङराङ टिगीन ओत। ङे दुरू दोक जोदातेन्‍दे अक्षरला टिबा थोङनामेई दि बातओन पक्‍काराङ ङेराङ टिबाते दुका सिन ख्‍योकोनगी छ्या स्‍येबा खि।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

फिलेमोन 1:18

दिकी खुईते खइँदा ङ्ये च्‍युता ओत्‍सीन कि दिला खइँदा लिन्‍दा फाप्‍च्‍या ओत्‍सीन थे ङात्ताङ लोङ।